കണ്ണൂർ സർവകലാശാല വൈസ് ചാൻസലർ ഡോ.ഗോപിനാഥ് രവീന്ദ്രന്റെ പുനർ നിയമനത്തിൽ വീണ്ടും ഗവർണർ ചില നീക്കങ്ങൾ നടത്തുന്നുവെന്നാണ് നമുക്ക് മനസിലാക്കാൻ സാധിക്കുന്നത് . മന്ത്രിക്കും എജിക്കും എതിരെ നടപടികൾ എടുക്കാൻ ഗവർണർ തയ്യാറെടുക്കുന്നെവെന്നാണ് പുറത്ത് വരുന്ന വിവരം.

മന്ത്രി ആർ ബിന്ദുവിനെതിരെയും അഡ്വക്കറ്റ് ജനറലിനും എതിരെയാണ് നടപടിയുണ്ടാകുക എന്നാണ് കിട്ടുന്ന വിവരം . കണ്ണൂർ സർവകലാശാല വൈസ് ചാൻസലറായി ഡോ.ഗോപിനാഥ് രവീന്ദ്രനു പുനർനിയമനം നൽകിയിരുന്നു. ഈ വിഷയത്തിൽ തന്നെ തെറ്റിദ്ധരിപ്പിച്ചു എന്ന കാര്യം ചൂണ്ടിക്കാട്ടിയാണ് ഗവർണർ ഇത്തരത്തിലൊരു നടപടിയിലേക്ക് കടക്കുന്നത് എന്നാണ് മനസിലാക്കാൻ സാധിക്കുന്നത്. ഇപ്പോഴത്തെ സാഹചര്യം നോക്കുകയാണെങ്കിൽ ഇരുവർക്കുമെതിരെ നടപടി ആവശ്യപ്പെട്ട് മുഖ്യമന്ത്രിക്കു കത്തു നൽകാനാണ് ഗവർണർ ശ്രമിക്കുക.

മന്ത്രി ആർ. ബിന്ദു ഗവർണർക്ക് ഒരു കത്ത് നൽകിയിരുന്നു.അതിൽ ആവശ്യപ്പെട്ടിരുന്നത് കണ്ണൂർ വിസിയായി ഗോപിനാഥ് രവീന്ദ്രനെ വീണ്ടും നിയമിക്കണമെന്നായിരുന്നു . പുതിയ വിസിയെ തിരഞ്ഞെടുക്കാൻ സേർച് കമ്മിറ്റി രൂപീകരിക്കുകയും ചെയ്തിരുന്നു എന്നതാണ് ശ്രദ്ധേയമായ കാര്യം. അത് റദ്ദാക്കണമെന്ന് മന്ത്രി ശുപാർശ കൊടുത്തു.

പക്ഷേ ഈ ശുപാർശ അംഗീകരിച്ച് കഴിഞ്ഞിട്ടായിരുന്നു രവീന്ദ്രന്റെ പുനർ നിയമനം നടത്തിയത്.കൂടാതെ നിയമനം നടത്താൻ ഗവർണറെ പ്രേരിപ്പിക്കാൻ എജിയുടെ നിയമോപദേശവും രാജ്ഭവനിൽ എത്തിക്കുകയും ചെയ്തു. രവീന്ദ്രനാഥ് ഗോപിനാഥിന് പുനർനിയമനത്തിനു നിയമസാധുത ഉണ്ടെന്നായിരുന്നു എ.ജി ഗവർണർക്ക് നൽകിയ ഉപദേശം.

എന്നാൽ കഴിഞ്ഞ ദിവസം എജി തന്നെ തെറ്റിദ്ധരിപ്പിച്ചതായി ഗവർണർ ആരോപിച്ചിരുന്നു .മാത്രമല്ല കണ്ണൂർ വിസിയായുള്ള ഗോപിനാഥ് രവീന്ദ്രന്റെ ആദ്യ നിയമനത്തിൽ ഗവർണർ നിർണ്ണായകമായ ഒരു നീക്കം നടത്തിയിട്ടുണ്ട്. അതായത് സുപ്രീം കോടതി വിധിയുടെ അടിസ്ഥാനത്തിൽ യുജിസി ചട്ടങ്ങൾക്കു വിരുദ്ധമാണെന്നു ചൂണ്ടിക്കാട്ടി ഗവർണർ നോട്ടിസ് നൽകുകയായിരുന്നു. ഈ നോട്ടീസിന് നവംബർ മൂന്നിനകം മറുപടി നൽകണമെന്നും അറിയിച്ചിട്ടുണ്ട്.

യുജിസി ചട്ടങ്ങൾക്കു വിരുദ്ധമായി നിയമനംകിട്ടിയ 11 വിസിമാർക്കായിരുന്നു ഗവർണർ നോട്ടിസ് കൊടുത്തത്. ഈ വിഷയത്തിൽ ഇതുവരെ ആരും വിശദീകരണം നൽകിയിട്ടില്ല എന്നതാണ് വളരെ ശ്രദ്ധേയമായ കാര്യം.   ഈ വിഷയത്തിൽ ഗവർണർ നിർണ്ണയാക നീക്കണങ്ങൾ ആണ് ഇനി നടത്താൻ പോകുന്നത് എന്ന് നമുക്ക് അനുമാനിക്കാം.കാരണമാ ഗവർണറുടെ സമീപ കാല നീക്കങ്ങൾ അത്തരത്തിൽ ഉള്ളവ ആയിരുന്നല്ലോ.