വേദനയോടെയാണ് ഓൺലൈൻ മാധ്യമ ലോകം ഇപ്പോൾ ഒരു വിവരമറിഞ്ഞിരിക്കുന്നത് . ഭാരത് ലൈവ് എന്ന ഓൺലൈൻ ചാനലിന്റെ മാനേജിങ് ഡയറക്ടർ ജസ്റ്റിൻ സോളമൻ അന്തരിച്ചു. അദ്ദേഹത്തിന് 52 വയസ്സായിരുന്നു. കോഴിക്കോട് നാദാപുരം സ്വദേശിയായിരുന്നു ജസ്റ്റിൻ സോളമൻ . അദ്ദേഹത്തിന്റെ അന്ത്യം എറണാകുളം മെഡിക്കൽ ട്രസ്റ്റ് ആശുപത്രിയിൽ വച്ചായിരുന്നു.

 ജീവിത പങ്കാളിയും രണ്ടു മക്കളും അതീവ ദുഃഖത്തിലാണ് ഇപ്പോൾ ഉള്ളത്. ഇന്ന് രാവിലെയോടെ റെയിൽവേ സ്റ്റേഷനിൽ വച്ച് അദ്ദേഹത്തിന് ദേഹാസ്വാസ്ഥ്യം ഉണ്ടായി. ഉടനെ അദ്ദേഹം കുഴഞ്ഞുവീഴുകയായിരുന്നു. ഉടൻ തന്നെ ആശുപത്രിയിൽ അദ്ദേഹത്തെ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

കേരള ശബ്ദം, ഇന്ത്യാ വിഷൻ, സൂര്യ ടിവി, നാനാ സിനിമ വീക്കിലി, എന്നീ മാദ്ധ്യമങ്ങളിൽ അദ്ദേഹം ജോലി ചെയ്തിട്ടുണ്ട്. കൂടാതെ ചലച്ചിത്ര മേഖലയിൽ അസിസ്റ്റന്റ് ഡയറക്ടർ ആയി ഏഴ് വർഷം പ്രവർത്തിച്ചിട്ടുണ്ട്. സംസ്കാരം പിന്നീട് ആയിരിക്കും നടക്കുക .തീർച്ചയായും ഇതൊരു വേദനാജനകമായ വിവരo തന്നെയാണ്.