പോക്‌സോ കേസില്‍ കോടതി റിമാന്‍ഡ് ചെയ്ത യുവാവ് ജാമ്യത്തിലിരിക്കെ വീണ്ടും അറസ്റ്റിലായി .ജാമ്യത്തിലിറങ്ങി അതേ പെണ്‍കുട്ടിയെ വീണ്ടും പീഡിപ്പിക്കാനായി ശ്രമിച്ച കേസിലാണ് തളിപ്പറമ്പ് പോലീസ് ഇയാളെ അറസ്റ്റ് ചെയ്തത്. തിരുവനന്തപുരം സ്വദേശി എസ്.എസ്. ജിതേഷാണ് പോലീസ് പിടിയിലായത്.


സമൂഹമാധ്യമം വഴി പരിചയപ്പെട്ട കണ്ണൂര്‍ സ്വദേശിനിയായ പതിനഞ്ചു വയസ്സുകാരിയെ തട്ടിക്കൊണ്ട് പോയ കേസില്‍ ഇയാള്‍ നേരത്തെ അറസ്റ്റിലായിരുന്നു. ഇതേ പെണ്‍കുട്ടിയെ ഈ മാസം 26-ന് ധര്‍മ്മശാലയില്‍ വച്ച് വീണ്ടും പീഡിപ്പിക്കാന്‍ ശ്രമിച്ചെന്നാണ് പുതിയ കോസ്. പോക്‌സോ പ്രകാരമാണ് പുതിയ കേസും. നേരത്തെ, കര്‍ശന വ്യവസ്ഥകളോടെയായിരുന്നു കോടതി പ്രതിക്ക് ജാമ്യം അനുവദിച്ചത്.

കണ്ണൂര്‍ ജില്ലയില്‍ പ്രവേശിക്കരുതെന്നും വ്യവസ്ഥയുണ്ടായിരുന്നു. പെണ്‍കുട്ടിയെ സമൂഹമാധ്യമം വഴി പരിചയപ്പെട്ടതാണെന്നും പെണ്‍കുട്ടി നിരന്തരമായി വിളിച്ചതിനെത്തുടര്‍ന്നാണ് താന്‍ വന്നതെന്നും ഇയാള്‍ പോലീസിനെ അറിയിച്ചു. പ്രതിയെ തളിപ്പറമ്പ് കോടതി റിമാന്‍ഡിലാക്കി.