സ്വകാര്യ ഹോട്ടലിലെ ഹൗസ് കീപ്പിങ് ജീവനക്കാരിയായ സിക്കിം സ്വദേശിനി കോവളം ബീച്ച് റോഡിലെ വാടകവീട്ടില്‍ തൂങ്ങിമരിച്ചനിലയില്‍.

സിക്കിം യാങ് ടോക്ക് സ്വദേശി വേദന്‍ഷി (24) ആണ് മരിച്ചത്. ഇന്ന് രാവിലെ ആറോടെ ഒപ്പം താമസിക്കുന്ന യുവതിയാണ് സമീപത്തെ കുടുംബത്തെ വിവരമറിയിച്ചത്.



മുറിയില്‍ കാണാത്തതിനെ തുടര്‍ന്ന് അന്വേഷിച്ചപ്പോഴാണ് അടുക്കളയില്‍ തൂങ്ങിമരിച്ചതായി കണ്ടെത്തുകയായിരുന്നു. തറയില്‍ ഇരിക്കുന്ന നിലയിലായിരുന്നു മൃതദേഹം കണ്ടെത്തിയത്. കോവളം എസ്.ഐ. എസ്.അനീഷ് കുമാറിന്റെ നേതൃത്വത്തിലുള്ള സംഘമെത്തി വീടും പരിസരവും പരിശോധിച്ചു.

ഫൊറന്‍സിക് ഉദ്യോഗസ്ഥരും സ്ഥലത്തെത്തി തെളിവെടുത്തു. തൂങ്ങിമരണമെന്നാണ് പ്രാഥമിക നിഗമനമെന്ന് പോലീസ്. ുവതിയുടെ സിക്കിമിലുള്ള ബന്ധുക്കള്‍ നാളെ കോവളത്തെത്തും. മൃതദേഹം മെഡിക്കല്‍ കോളേജ് മോര്‍ച്ചറിയിലേക്കു മാറ്റി. കേസെടുത്ത് കോവളം പോലീസ്.