ഗവർണർ സർക്കാർ പോര് മുറുകുകയാണ്. പലവിധത്തിൽ സിപിഎം ഗവർണറെ ഒറ്റപ്പെടുത്താനായി ശ്രമിക്കുന്നുണ്ടെകിലും, പ്രതിപക്ഷത്തെ കൂട്ടുപിടിക്കാൻ നോക്കുന്നുണ്ടെങ്കിലും നടക്കുന്നില്ല. നിലവിൽ സിപിഎം കേന്ദ്ര കമ്മിറ്റി യോഗത്തിലെ രാഷ്ട്രീയ റിപ്പോർട്ടിൻ മേലുള്ള ചർച്ച ഇന്നും തുടരുമെന്ന് വ്യക്തമായിട്ടുണ്ട്.

അതേസമയം കേരളത്തിലെ ഗവർണറുടെ ഇടപെടലുകൾ സംബന്ധിച്ച് വിവിധ സംസ്ഥാന ഘടകങ്ങൾ യോഗത്തിൽ അഭിപ്രായം പങ്കുവെയ്ക്കുന്നതാണ്. അതുപോലെ ഈ സമയം തന്നെ കോടിയേരി ബാലകൃഷ്ണന്റെ പിബി ഒഴിവിലേക്ക് പാർട്ടി സംസ്ഥാന സെക്രട്ടറി എം വി ഗോവിന്ദനെ നിയോഗിക്കുന്നതിലും ഇന്ന് തീരുമാനം ഉണ്ടായേക്കും.

നിലവിലെ പ്രശ്നങ്ങൾ കത്തി നിൽക്കുന്ന സാഹചര്യത്തിൽ ഗവർണർക്കെതിരെ പ്രതിപക്ഷ പാർട്ടികളുടെ നേതൃത്വത്തിൽ പ്രതിരോധം തീർക്കുന്നതിനും ഇന്നത്തെ യോഗത്തിൽ തീരുമാനം ഉണ്ടാകുമെന്നാണ് സൂചന. നേരത്തെ കേരള ഗവർണർ ഉയർത്തുന്ന ഭീഷണിയെ രാഷ്ട്രീയപരമായും നിമയപരമായും നേരിടാൻ സിപിഎം കേന്ദ്ര കമ്മിറ്റിയിൽ തീരുമാനമായിരുന്നു.