ആ രണ്ട് കോടിയും കളിച്ചു പെന്ഷന് പ്രായം ഉയര്ത്തല് ചതി
പടിയിറങ്ങിയവര്ക്ക് ഇനി കണ്ണീര്കാലം
പെന്ഷന് പ്രായം ഉയര്ത്തിയ നടപടി സര്ക്കാര് മരവിപ്പിച്ചെങ്കിലും അത് താല്കാലിക നടപടിയാണെന്ന് വിശ്വസിക്കുന്നവരാണ് അധികവും. പെന്ഷന് പ്രായം ഉയര്ത്തിയതിനെതിരെ ഉയര്ന്നു വന്ന പ്രതിഷേധം ശ്ക്തമായ സാഹചര്യത്തിലാണ് സര്ക്കാര് പെട്ടെന്ന് നയം മാറ്റിയതെന്ന് പറയപ്പെടുന്നു. എന്നാല് പെന്ഷന് പ്രായം ഉയര്ത്തിയാല് ശക്തമായ സമരങ്ങള് ഉണ്ടാകുമെന്നും അത് സര്ക്കാരിന്റെ നയത്തിന് എതിരാണെന്നും അറിഞ്ഞു കൊണ്ടു തന്നെയാണ് പെന്ഷ്ന് പ്രായം വര്ദ്ധിപ്പിച്ചത്. എന്നാല് പൊതുമേഖല സ്ഥാപനത്തില് കഴിഞ്ഞ മാസം ഒടുവില് പെന്ഷനായവര്ക്ക് ആനുകൂല്യം കൊടുത്തു വിടാന് കഴിയാത്ത സാഹചര്യത്തിലാണ് പെട്ടെന്ന് പെന്ഷന് പ്രായം ഉയര്ത്തുന്നതായി പ്രഖ്യാപിച്ചത്.
എല്ഡിഎഫില് പോലും ഇത്തരം ചര്ച്ചകളൊന്നും നടത്താതെയാണ് തീരുമാനമെടുത്തത്. എന്നാല് പെന്ഷനായവര്ക്ക് തല്കാലം ആനുകൂല്യം നല്കുകയും വേണ്ട. സര്ക്കാരിന്റെ ഇരട്ട പ്രഹര ബുദ്ധയാണ് ഇതിന് പിന്നിലെന്ന് പറയപ്പെടുന്നു. പെന്ഷന് പ്രായം ഉയര്ത്തിയ നടപടി സര്ക്കാര് താല്കാലികമായി മരിവിപ്പിച്ചതിനെതിരെ ജീവനക്കാര് കോടിതയെ സമീപിക്കാന് സാധ്യതയുണ്ട്. കോടതി തീരുമാനം അനുസരിച്ച് പെന്ഷന് പ്രായം ഉയര്ത്തുന്ന കാര്യം തീരുമാനത്തിലെത്തുമ്പോഴേയ്ക്കും സര്ക്കാര് പ്രതീക്ഷിച്ചതു പോലെ കാലാവധി നീണ്ടു കൊണ്ടിരിക്കും.
പെനന്ഷന് പ്രായം വര്ദ്ധിപ്പി്കകുന്നതിന് മുന്പ് തന്നെ സര്ക്കാര് പൊതുമേഖല സ്ഥാപനങ്ങളുടെ നിയമനത്തിനായി ഒരു ബോര്ഡ് രൂപീകരിച്ചിരുന്നു. ബോര്ഡ് ആസ്ഥാനത്തിനും പ്രവര്ത്തനത്തിനുമായി രണ്ട് കോടി രൂപ സര്ക്കാര് അനുവദിക്കുകയും ചെയ്തു.
ഉമ്മന്ചാണ്ടി മുഖ്യമന്ത്രിയായിരുന്നപ്പോള് ചില പൊതുമേഖല സ്ഥാപനങ്ങളുടെ നിയമനം പിഎസ് സി യ്ക്ക് വിട്ടത് പ്രതിപക്ഷ നേതാവ് വി.ഡിയ സതീശന് ചൂണ്ടിക്കാട്ടിയിരുന്നു. എന്നാല് പിഎസ് സിയ്ക്ക് വിടാന് സര്ക്കാര് ഒരുക്കമായിരുന്നില്ല. പകരമെന്നോണം സര്ക്കാര് പൊതുമേഖല സ്ഥാപനങ്ങളിലെ നിയമനത്തിനായി റിക്രൂട്ടിംഗ് ബോര്ഡ് രൂപീകരിയ്ക്കുകയുണ്ടായത്. ബോര്ഡിന്റെ പ്രവര്ത്തനങ്ങള് തുടങ്ങിയെങ്കിലും നിയമന സംബന്ധിച്ച് നടപടികളൊന്നും തുടങ്ങിയിരുന്നില്ല. സര്ക്കാര് അനുവദിച്ച രണ്ട് കോടിയും കാണാനില്ല.
ഈമാസം വിരമിക്കേണ്ട സിപിഎം നേതാക്കള്ക്ക് സര്വീസില് തുടരാന് ഒക്ടോബര് 29ന് തിടുക്കപ്പെട്ട് പെന്ഷന് പ്രായം 60 ആക്കി ഉയര്ത്തുകയായിരുന്നു. 122 പൊതുമേഖല സ്ഥാപനങ്ങളിലാണ് പെന്ഷന് പ്രായം ഇപ്പോള് ഉയര്ത്തിയിരിന്നത്.
ഈ മാസം വിരമിക്കേണ്ട സിപിഎം അനുകൂല സംഘടനയിലെ പ്രമുഖര്ക്ക് സര്വീസില് തുടരാനാണ്
ഒക്ടോബര് 29 ന് തന്നെ തിടുക്കപ്പെട്ട് പെന്ഷന് പ്രായം 60 ആക്കി സര്ക്കാര് ഉയര്ത്തിയതെന്നാണ് പ്രധാന ആരോപണം.
ഈ ഉത്തരവ് ഇറങ്ങാന് രണ്ട് ദിവസം കൂടി താമസിച്ചിരുന്നെങ്കില് ഇവര് ഒക്ടോബര് 31 ന് വിരമിക്കേണ്ടി വരുമായിരുന്നു. ആയിരത്തിലധികം പേരെയാണ് പുതിയ ഉത്തരവിലടെ സര്ക്കാര് സര്വ്വീസില് തുടരാന് അനുവദിച്ചിരിക്കുന്നത്..ഒന്നരലക്ഷം പേരാണ് 122 പൊതുമേഖല സ്ഥാപനങ്ങളില് ജോലി ചെയ്യുന്നത്. കെ.എസ്.ഇ.ബി ജീവനക്കാരുടെ സമരം പിന്വലിക്കാന് അന്ന് മുഖ്യമന്ത്രി നല്കിയ ഉറപ്പായിരുന്നു പെന്ഷന് പ്രായം വര്ദ്ധിപ്പിക്കലെന്ന് പറയപ്പെടുന്നു. എന്നാല് നിലവില ഉത്തരവില് കെ.എസ്.ഇ.ബി , വാട്ടര് അതോറിറ്റി, കെ.എസ്.ആര്.ടി.സി എന്നിവയെ ഉള്പ്പെടുത്തിയിട്ടില്ല. അപ്രഖ്യാപിത നിയമന നിരോധനത്തിനിടയില് പെന്ഷന് പ്രായം വര്ദ്ധിപ്പിച്ചത് യുവജനങ്ങള്ക്ക് മേലുള്ള സര്ക്കാരിന്റെ ഇരട്ട പ്രഹരമാണെന്ന് ഡിവൈ എഫ് ഐ ഉള്പ്പെടെയുള്ള യുവജനസംഘങ്ങള് ആവശ്യപ്പെട്ടിരുന്നു. പല റാങ്ക് ലിസ്റ്റുകളും നിലവില് ഇല്ല. ഉള്ള റാങ്ക് ലിസ്റ്റുകളില് നിന്നാണെങ്കില് നിയമനവും നടക്കുന്നില്ല.
കഴിഞ്ഞ 2022 ഏപ്രിലില് സെക്രട്ടേറിയേറ്റ് അസിസ്റ്റന്റ് റാങ്ക് ലിസ്റ്റ് കാലാവധി കഴിഞ്ഞു.പുതിയ റാങ്ക് ലിസ്റ്റിന് നടപടിയുമായിട്ടില്ല.
സെക്രട്ടേറിയേറ്റില് ഉള്പ്പെടെ കരാര് ജീവനക്കാരെ തിരുകി കയറ്റുകയാണ്..സര്ക്കാര് സര്വിസിലെ പെന്ഷന് പ്രായം 56 ആണ്. ധൂര്ത്തടിച്ചും സര്ക്കാര് ഖജനാവ് കൊള്ളയടിച്ചും സൃഷ്ടിച്ച സാമ്പത്തിക പ്രതിസന്ധി മറികടക്കാനാണ് പെന്ഷന് പ്രായം ഉയര്ത്തിയതെന്ന ആരോപണം ശക്തമാണ്. മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി ഡോ.കെ.എം.
എബ്രഹാമിന്റെ നിര്ദ്ദേശ പ്രകാരമാണ് തിരക്കിട്ട് പെന്ഷന് പ്രായം ഉയര്ത്തിയതിന് പിന്നിലെന്ന് പറയപ്പെടുന്നു.
. ഇതിലൂടെ കേരളത്തിലെ തൊഴില് മേഖലയില് അരാജകത്വം സൃഷ്ടിക്കുകയും യുവജനതയെ ലഹരിയിലേക്കും ആത്മഹത്യയിലേയ്ക്കും തള്ളിവിടുന്ന ഒരു സമീപനം കൂടിയാണിതെന്നും പരക്കെ ആക്ഷേപമുണ്ട്. എല്ലാ ഭാഗത്ത് നിന്നും എതിര്പ്പുകളുണ്ടാകുമെന്നറിഞ്ഞു കൊണ്ട് തന്നെയാണ് സര്ക്കാര് തിരക്കിട്ട് പെന്ഷന് പ്രായം വര്ദ്ധിപ്പിക്കാനുള്ള തീരുമാനമെടുത്തത്.
https://www.facebook.com/Malayalivartha
