ഭർത്താവ് വിദേശത്ത് ജോലി ചെയ്യുന്നതിനിടെ കാമുകനൊപ്പം ഒളിച്ചോടി, അനുനയിപ്പിച്ച് വീട്ടിൽ തിരികെ എത്തിച്ച യുവതി അതേ കാമുകനൊപ്പം വീണ്ടും ഒളിച്ചോടി. ഇത്തവണ പൊക്കിയത് എടിഎമ്മിൽ പണം പിൻവലിച്ചതോടെയായിരുന്നു. കണ്ണൂർ ചെങ്ങളായി സ്വദേശിയായ റിസ്വാന എന്ന 27 കാരിയാണ് 24 കാരനായ യുവാവിനൊപ്പം ഒളിച്ചോടിയത്. യുവതിയുടെ ഭർത്താവ് വിദേശത്ത് ജോലി ചെയ്യുകയാണ്. ഇവർക്ക് രണ്ട് കുട്ടികളുമുണ്ട്. പെരുവളത്ത്പറമ്പ് സ്വദേശിയും ബസ് ജീവനക്കാരനുമായ റമീസിനൊപ്പമാണ് യുവതി പോയത്.

ഞായറാഴ്ച രാത്രി 11 ഓടെയാണ് സംഭവം. ഭർത്താവിന്റെ എ ടി എം കാർഡും ഇവരുടെ കൈയ്യിൽ ഉണ്ടായിരുന്നു. രാത്രി കാർഡ് ഉപയോഗിച്ച് ഇവർ പൈസ പിൻവലിച്ചു. ഇത് സംബന്ധിച്ച് ഫോണിലേക്ക് മെസേജ് ലഭിച്ചപ്പോൾ ഭയന്ന ഭർത്താവ് ഭാര്യയെ ഫോണിൽ വിളിച്ചെങ്കിലും എടുത്തില്ല. തുടർന്ന് ഇദ്ദേഹം വീട്ടുകാരെ വിളിച്ച് പറഞ്ഞു. കുടുംബാംഗങ്ങൾ മുറിയിൽ പോയി നോക്കിയപ്പോൾ റിസ്വാന അവിടെ ഉണ്ടായിരുന്നില്ല. രണ്ട് മക്കളേയും മുറിയിൽ ഉറക്കി കിടത്തിയായിരുന്നു റിസ്വാന ഒളിച്ചോടിയത്.

റമീസുമായി മുമ്പും റിസ്വാന ഒളിച്ചോടിപ്പോയിരുന്നു. അന്ന് ഭർത്താവ് വിദേശത്ത് നിന്നെത്തി യുവതിയെ അനുനയിപ്പിച്ച് വീട്ടിലേക്ക് തിരിച്ച് കൊണ്ടുവരികയായിരുന്നു. തുടർന്ന് ജോലി ആവശ്യത്തിനായി ഇയാൾ വിദേശത്തേക്ക് മടങ്ങി പോയി. ഭാര്യയേയും മക്കളേയും വിദേശത്തേക്ക് കൊണ്ടുപോകാനുള്ള ഒരുക്കങ്ങൾ ഇയാൾ നടത്തിയിരുന്നു. അതിനിടയിലാണ് ഇപ്പോൾ യുവതി വീണ്ടും പോയത്. യുവാവിന്റെ സഹോദരിയുടെ പരാതിയിൽ ശ്രീകണ്ഠപുരം പോലീസ് കേസെടുത്ത് അന്വേഷണം നടത്തുകയായിരുന്നു.

കാസർഗോഡ് വെച്ചാണ് ഇവർ എടിഎമ്മിൽ നിന്നും പണം പിൻവലിച്ചത്. തുടർന്ന് നടത്തിയ അന്വേഷണത്തിൽ ഇവർ കാസർഗോഡ് ഉണ്ടെന്ന് കണ്ടെത്തുകയായിരുന്നു. ഇതിനിടെ ഭർത്താവിന്റെ പുത്തൻ കാറുമായി കാമുകനൊപ്പം നാടുവിട്ട റിസ്വാന പൊലീസ് സ്റ്റേഷനിൽ ഹാജരായി. തളിപ്പറമ്പ് പൊലീസ് സ്റ്റേഷനിലാണ് യുവതി ഹാജരായത്. ഭർത്താവ് പുതിയതായി വാങ്ങിയ കാറും സഹോദരിയുടെ 15 പവൻ സ്വർണാഭരണങ്ങളുമായാണ് റിസ്വാന കാമുകനൊപ്പം മുങ്ങിയത്.

കാമുകനുമായുള്ള ബന്ധം യുവതി അവസാനിപ്പിച്ചു എന്നാണ് ഭർത്താവ് കരുതിയത്. എന്നാൽ ഇരുവരും ബന്ധം തുടർന്നിരുന്നു എന്നാണ് ഇപ്പോൾ വ്യക്തമായിട്ടുള്ളത്. യുവതിയെയും മകളെയും വിദേശത്ത് കൊണ്ടുപോകാനുള്ള തയ്യാറെടുപ്പുകൾ നടത്തുകയായിരുന്നു ഭർത്താവ്. ഇതിനായുള്ള ടിക്കറ്റ് വരെ എടുത്തു കഴിഞ്ഞതാണ് വിവരം. അതിനിടയിലാണ് എല്ലാവരെയും അമ്പരപ്പിച്ചു യുവതി കാമുകനോടൊപ്പം വീണ്ടും കടന്നു കളഞ്ഞത്.