നിയമസഭയുടെ അധികാരം കവരാനും ഇല്ലാത്ത അധികാരമുണ്ടെന്ന നിലയില് പ്രവര്ത്തിക്കാനുമാണ് ഗവര്ണര് ശ്രമിക്കുന്നത്... സര്വകലാശാലകളുടെ ചാന്സലര് എന്ന സ്ഥാനത്ത് ഗവര്ണര് തന്നെ വേണമെന്നില്ലെന്നും മുഖ്യമന്ത്രി
ഗവര്ണര് ആരിഫ് മുഹമ്മദ്ഖാന് ശ്രമിക്കുന്നത് സമാന്തര സര്ക്കാരുണ്ടാക്കാനാണെന്ന് മുഖ്യമന്ത്രി പിണറായി വിജയന്. നിയമസഭയുടെ അധികാരം കവരാനും ഇല്ലാത്ത അധികാരമുണ്ടെന്ന നിലയില് പ്രവര്ത്തിക്കാനുമാണ് ഗവര്ണര് ശ്രമിക്കുന്നത്. സര്വകലാശാലകളുടെ ചാന്സലര് എന്ന സ്ഥാനത്ത് ഗവര്ണര് തന്നെ വേണമെന്നില്ലെന്നും മുഖ്യമന്ത്രി പറഞ്ഞു.
ഗവര്ണരുടെ നടപടികള്ക്കെതിരെ എല്.ഡി.എഫ് സംഘടിപ്പിച്ച ജനകീയ കൂട്ടായ്മ മുഖ്യമന്ത്രി തിരുവനന്തപുരത്ത് ഉദ്ഘാടനം ചെയ്തു. ഗവര്ണറോടുള്ള വിയോജിപ്പുകള് എണ്ണിപ്പറഞ്ഞും ശക്തമായി വിമര്ശിച്ചുമാണ് മുഖ്യമന്ത്രി ആരിഫ് മുഹമ്മദാഖാന്റെ നടപടികള്ക്കെതിരെ എല്ഡിഎഫ് സംഘടിപ്പിച്ച കണ്വെന്ഷനില് സംസാരിച്ചത്.
നിയമസഭയുടെ അധികാരം കവരാന് ആരെയും അനുവദിക്കില്ലെന്ന് മുഖ്യമന്ത്രി പറഞ്ഞു. തന്നിലാണ് എല്ലാ അധികാരവും എന്ന് കരുതി ഗവര്ണര് സമാധാനിക്കട്ടെ എന്നും മുഖ്യമന്ത്രി പരിഹസിച്ചു. സമാന്തരസര്ക്കാരുണ്ടാക്കാനാണ് ഗവര്ണരുടെ ശ്രമം. ഭരിക്കാന്ജനങ്ങള് തിരഞ്ഞെടുത്ത സര്ക്കാരുണ്ടെന്ന് ഓര്ക്കണമെന്നും മുഖ്യമന്ത്രി പറഞ്ഞു.
സര്വകലാശാലകളുടെ ചാന്സലറായി ഗവര്ണര് വേണ്ടെന്ന് പറായനും മുഖ്യമന്ത്രി മടിച്ചില്ല. സംഘപരിവാര്അജന്ഡ നടപ്പാക്കാനും സര്വകലാശാലകളെ കാവിവത്ക്കരിക്കാനുമാണ് ശ്രമെന്നും മുഖ്യമന്ത്രി ആരോപിച്ചു. എം.വി.ഗോവിന്ദനും കാനം രാജേന്ദ്രനും ഉള്പ്പെടെ മുന്നണിയിലെ മുതിര്ന്ന നേതാക്കളെല്ലാം കണ്വെന്ഷനില്പങ്കെടുത്തു. അടുത്ത ഒരാഴ്ചക്കിടെ എല്ലാ ജില്ലകളിലും ഗവര്ണര്ക്കെതിരെ കണ്വന്ഷനുകള് സംഘടിപ്പിക്കാനാണ് ഇടത് മുന്നണിയുടെ തീരുമാനം.
https://www.facebook.com/Malayalivartha
