വിശദീകരണവുമായി കേരള മുന് വി.സി.... കേരള സര്വകലാശാല മുന് വൈസ് ചാന്സലര് വി.പി. മഹാദേവന്പിള്ള ഗവര്ണര്ക്ക് വിശദീകരണം നല്കി....
വിശദീകരണവുമായി കേരള മുന് വി.സി.... കേരള സര്വകലാശാല മുന് വൈസ് ചാന്സലര് വി.പി. മഹാദേവന്പിള്ള ഗവര്ണര്ക്ക് വിശദീകരണം നല്കി....
വി.സി. പദവിക്ക് ആവശ്യമായ യോഗ്യതയുണ്ടെന്നും മാനദണ്ഡം അനുസരിച്ചാണ് നിയമനമെന്നും വി.പി. മഹാദേവന്പിള്ള വിശദീകരിച്ചതായി സര്വകലാശാല വൃത്തങ്ങള് വ്യക്തമാക്കി. വൈസ് ചാന്സലര് സ്ഥാനത്ത് നിന്ന് പുറത്താക്കാതിരിക്കാനായി ഒമ്പത് വി.സിമാരോടാണ് ഗവര്ണര് ആരിഫ് മുഹമ്മദ് ഖാന് കാരണം കാണിക്കല് നോട്ടീസ് നല്കിയത്.
ഇന്ന് അഞ്ച് മണിക്ക് മുമ്പ് വിശദീകരണം നല്കണമെന്നാണ് ഗവര്ണര് നോട്ടീസില് വ്യക്തമാക്കുന്നത്. കേരള സര്വകലാശാല വി.സി. സ്ഥാനത്ത് നിന്ന് വിരമിച്ച വി.പി. മഹാദേവന്പിള്ള മാത്രമാണ് ഇപ്പോള് വിശദീകരണം നല്കിയിരിക്കുന്നത്. തനിക്ക് വി.സി. പദവി ലഭിച്ചത് യോഗ്യതയും മാനദണ്ഡങ്ങള് പ്രകാരവുമാണെന്നാണ് വിശദീകരണത്തില് വ്യക്തമാക്കുന്നത്. തിങ്കളാഴ്ചയായിരുന്നു അദ്ദേഹം ഗവര്ണര്ക്ക് വിശദീകരണം നല്കിയിരിക്കുന്നത്.
കേരളസര്വകലാശാലാ വി.സിയായിരുന്ന വി.പി മഹാദേവന്പിള്ള ഉള്പ്പെടെ ഒമ്പത് വി.സിമാരോടാണ് വി.സി. സ്ഥാനത്ത് നിന്ന് പുറത്താക്കാതിരിക്കാനായി ഗവര്ണര് കാരണം കാണിക്കല് നോട്ടീസ് നല്കിയത്.
മഹാത്മാ ഗാന്ധി സര്വകലാശാല, കുസാറ്റ് , കണ്ണൂര് യൂണിവേഴ്സിറ്റി, കേരള യൂണിവേഴ്സിറ്റി ഓഫ് ഫിഷറീസ് ആന്ഡ് ഓഷ്യന് സ്റ്റഡീസ്, എ.പി.ജെ. അബ്ദുല് കലാം ടെക്നോളജിക്കല് യൂണിവേഴ്സിറ്റി, ശ്രീ ശങ്കരാചാര്യ സംസ്കൃത സര്വകലാശാല, കോഴിക്കോട് സര്വകലാശാല, തുഞ്ചത്തെഴുത്തച്ഛന് മലയാള സര്വകലാശാല തുടങ്ങി കേരളത്തിലെ പ്രധാനപ്പെട്ട എല്ലാ സര്വകലാശാലകളിലെ വിസിമാര്ക്കും ഗവര്ണര് കാരണം കാണിക്കല് നോട്ടീസ് നല്കിയിട്ടുണ്ടായിരുന്നു. വ്യാഴാഴ്ച വൈകിട്ട് അഞ്ച് മണിക്ക് മുമ്പ് വിശദീകരണം നല്കാന് വേണ്ടിയാണ് വിസിമാരോട് നിര്ദേശിച്ചിരിക്കുന്നത്. എന്നാല് ഇപ്പോള് വിശദീകരണം നല്കിയിരിക്കുന്നത് വി.പി. മഹാദേവന്പിള്ള മാത്രമാണ് .
https://www.facebook.com/Malayalivartha
