ആറു സംസ്ഥാനങ്ങളിലെ ഒഴിവുള്ള ഏഴു മണ്ഡലങ്ങളില്‍ വോട്ടെടുപ്പ് തുടങ്ങി....വൈകുന്നേരം ആറു വരെയാണ് വോട്ടെടുപ്പ്, ഉപതെരഞ്ഞെടുപ്പ് നടക്കുന്ന മണ്ഡലങ്ങളില്‍ കര്‍ശന സുരക്ഷയൊരുക്കി.

ബിഹാറില്‍ മൊകാമ, ഗോപാല്‍ ഗഞ്ജ്, മഹാരാഷ്ട്രയില്‍ അന്ധേരി ഈസ്റ്റ്, ഹരിയാനയില്‍ ആദംപൂര്‍, തെലങ്കാനയില്‍ മുനുഗോഡെ, ഉത്തര്‍പ്രദേശിലെ ഗോല ഗോകരണ്‍നാഥ്, ഒഡീഷയിലെ ദാംനഗര്‍ എന്നീ മണ്ഡലങ്ങളിലാണ് ഇന്ന് വിധിയെഴുത്ത്.

ഈ മണ്ഡലങ്ങളിലെ വോട്ടെണ്ണല്‍ നവംബര്‍ ആറിന് നടക്കും. ഗുജറാത്ത്, ഹിമാചല്‍ നിയമസഭ തെരഞ്ഞെടുപ്പ് അടുത്ത വേളയില്‍ ബിജെപിക്ക് ഉപതെരഞ്ഞെടുപ്പ് നിര്‍ണായകമാണ്.