വിളിക്കാത്ത കല്യാണത്തിന് വരരുത് എന്ന ചൊല്ലുണ്ട്. വന്നാല്‍ എന്ത് ഉണ്ടാകുമെന്ന് ഇന്നലെ ബാലരാമപുരത്തെ സംഭവം തെളിവാണ്. കല്യാണം വിളിച്ചില്ലെന്നാരോപിച്ച് ബന്ധു വഴക്കുണ്ടാക്കിയതിനെ തുടര്‍ന്ന് കല്യാണ പാര്‍ട്ടിക്കിടെ സംഘര്‍ഷമുണ്ടായി. അവസാനം പിതാവ് ആശുപത്രിയിലുമായി.

കല്യാണം വിളി എന്നത് മാരത്തോണ്‍ ഓട്ടമാണ്. ചിലപ്പോര്‍ വിളിക്കാന്‍ വിട്ടുപോകും. ചിലരെ വിളിക്കേണ്ടന്ന് ബോധപൂര്‍വം നേരത്തെ തീരുമാനിക്കും. ബന്ധുക്കളായ ശത്രുക്കളായിരിക്കുമവര്‍. ഇങ്ങനെ കല്യാണം വിളിക്കാതെയിരിക്കുന്നത് വലിയ ക്ഷീണമാണ്. അത് ജീവിതകാലമുള്ള പിണക്കത്തിനും കാരണമാകും.

ബാലരാമപുരത്തെ ഒരു കല്യാണമാണ് ഇവിടത്തെ വിഷയം. ബാലരാമപുരത്തെ ഒരു ഓഡിറ്റോറിയത്തില്‍ നടന്ന കല്യാണ പാര്‍ട്ടിക്കിടെയാണ് സംഘര്‍ഷം ഉണ്ടായത്. കല്യാണം വിളിച്ചില്ലെന്ന് പറഞ്ഞ് വിഴിഞ്ഞം സ്വദേശി വഴക്കിട്ടതാണ് പ്രശ്‌നങ്ങള്‍ക്ക് കാരണം. വാക്കേറ്റം പീന്നീട് കൂട്ടത്തല്ലില്‍ കലാശിക്കുകയായിരുന്നു. ഇന്ന് വൈകിട്ട് 7.30ഓടെ ബാലരാമപുരം സെന്റ് സെബാസ്റ്റ്യന്‍സ് പള്ളിയുടെ ഓഡിറ്റോറിയത്തില്‍ നടന്ന വിവാഹ സത്കാരത്തിനിടെയാണ് സ്ത്രീകള്‍ക്കും കുട്ടികള്‍ക്കുമടക്കമുള്ളവര്‍ക്ക് പരിക്കേറ്റത്.

ഇതിന്റെ വീഡിയോ സോഷ്യല്‍ മീഡയായില്‍ പ്രചരിച്ചു.തലയ്ക്ക് പരിക്കേറ്റ വധുവിന്റെ പിതാവ് അനില്‍കുമാറിനെ (51) മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. അനില്‍കുമാറും അയല്‍ക്കാരനായ അഭിജിത്തും തമ്മിലുണ്ടായ തര്‍ക്കമാണ് കൂട്ടത്തല്ലില്‍ കലാശിച്ചത്. പ്രശ്‌നമുണ്ടാക്കാനെത്തിയ അയല്‍ക്കാരനെ വധുവിന്റെ വീട്ടുകാര്‍ വിവാഹത്തിന് ക്ഷണിച്ചിരുന്നില്ല.

എന്നിട്ടും ഇയാള്‍ പാര്‍ട്ടി നടക്കുന്ന ഹാളിലേക്കെത്തി വധുവിന്റെ പിതാവിന് 200 രൂപ ഉപഹാരമായി നല്‍കി. എന്നാല്‍ വധുവിന്റെ പിതാവ് ഇത് സ്വീകരിക്കാന്‍ തയാറായില്ല. തുടര്‍ന്ന് ഇയാള്‍ പുറത്തുപോയി സംഘം ചേര്‍ന്നെത്തി ഓഡിറ്റോറിയത്തിലുണ്ടായിരുന്നവരെയൊക്കെ മര്‍ദ്ദിക്കുകയായിരുന്നു.

തുടര്‍ന്ന് വിവാഹ സത്കാരത്തിനെത്തിയവരും പ്രതിരോധിച്ചതോടെ അടിപിടി കൂട്ടത്തല്ലിലേക്ക് കലാശിച്ചു. സംഘര്‍ഷമറിഞ്ഞെത്തിയ പൊലീസ് സംഘത്തിന് കൂട്ടയടി ഒഴിവാക്കാനായില്ല. തുടര്‍ന്ന് കൂടുതല്‍ പൊലീസ് എത്തിയതോടെയാണ് സംഘര്‍ഷത്തിന് അയവ് വന്നത്. ഇതിനിടെ അക്രമത്തിന് നേതൃത്വം നല്‍കിയ അഭിജിത്ത് പൊലീസിന്റെ കണ്ണില്‍പ്പെടാതെ രക്ഷപ്പെട്ടു.

അഭിജിത്തിനെതിരെ മകനെ തല്ലിയ സംഭവത്തില്‍ ഒരു പരാതി നല്‍കിയിരുന്നതായി അനില്‍കുമാര്‍ പറഞ്ഞു. ഇതിന്റെ വൈരാഗ്യത്തിലാകാം അക്രമം എന്നാണ് കരുതുന്നത്. നൂറിലേറെ പേര്‍ സംഘടിച്ചെത്തിയാണ് തന്നെ ചവിട്ടി വീഴ്ത്തി മര്‍ദ്ദനം ആരംഭിച്ചതെന്നും വിവാഹം അലങ്കോലപ്പെടുത്താന്‍ ഗൂഢാലോചന നടത്തിയാണ് അക്രമം നടത്തിയതെന്നും അനില്‍കുമാര്‍ പറഞ്ഞു.

ബാലരാമപുരത്ത് സെന്റ് സെബാസ്റ്റ്യന്‍ ഓഡിറ്റോറിയത്തില്‍ ആണ് സംഭവം നടന്നത്. വധുവിന്റെ അച്ഛന്‍ ഉള്‍പ്പെടെയുള്ളവര്‍ക്ക് മര്‍ദ്ദനമേറ്റു. പരിക്കേറ്റവരെ നെയ്യാറ്റിന്‍കര താലൂക്ക് ആശുപത്രിയിലും തിരുവനന്തപുരം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. വൈകിട്ട് 7.30യോടെ ബാലരാമപുരം സെന്റ് സെബാസ്റ്റ്യന്‍സ് പള്ളിയുടെ ഓഡിറ്റോറിയത്തില്‍ വെച്ചാണ് സംഘര്‍ഷമുണ്ടായത്.

വധുവിന്റെ പിതാവും അയല്‍ക്കാരനായ അഭിജിത്തും തമ്മിലുണ്ടായ തര്‍ക്കമാണ് ഒടുവില്‍ കൂട്ടത്തല്ലില്‍ കലാശിച്ചത് . പ്രശ്‌നമുണ്ടാക്കാനെത്തിയ അയല്‍ക്കാരനെ വധുവിന്റെ വീട്ടുകാര്‍ വിവാഹത്തിന് ക്ഷണിച്ചിരുന്നില്ല. എന്നിട്ടും ഇയാള്‍ പാര്‍ട്ടി നടക്കുന്ന ഹാളിലേക്കെത്തി വധുവിന്റെ പിതാവിന് ഉപഹാരം നല്‍കി. എന്നാല്‍ വധുവിന്റെ പിതാവ് ഇത് സ്വീകരിക്കാന്‍ തയാറായതോടെ ഇതിനെ അപമാനമായി കണ്ടു. തുടര്‍ന്ന് ആ അപമാനം തീര്‍ക്കാനാണ് ആളെക്കൂട്ടിയെത്തിയത്. ഇതോടെ കല്യാണം അലങ്കോലമാകുകയും കേസും പുക്കാറുമാകുകയും ചെയ്തു. ഇനിയെങ്കിലും ആരേയും കല്യാണം വിളിക്കാന്‍ മറക്കരുത്.