ബംഗാള് ഉള്ക്കടലില് അതിതീവ്ര ന്യൂനമര്ദ്ദമോ ചക്രവാതച്ചുഴിയോ രൂപപ്പെടും; സംസ്ഥനത്ത് കനത്ത മഴ: അതീവ ജാഗ്രതാ നിര്ദ്ദേശം
സംസ്ഥാനത്ത് ശക്തമായ മഴയ്ക്ക് സാധ്യത. ബംഗാള് ഉള്ക്കടലിലെ അതിതീവ്ര ന്യൂനമര്ദ്ദത്തിന്റെ ഫലമായി കനത്ത മഴ ലഭിക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിൽ പറയുന്നു. മാത്രമല്ല അതിതീവ്ര ന്യൂനമര്ദ്ദം ഇന്ന് ശക്തികുറഞ്ഞ് ന്യൂനമര്ദ്ദമോ ചക്രവാതച്ചുഴിയോ ആയി മാറിയേക്കും.
ഇതിന്റെ അടിസ്ഥാനത്തിൽ 11 ജില്ലകളില് യെല്ലോ അലര്ട്ട് നല്കി. പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് എന്നീ ജില്ലകളിലാണ് യെല്ലോ അലര്ട്ടുള്ളത്.
അതേസമയം ന്യൂനമര്ദ്ദത്തിന്റ ഫലമായി ജില്ലകളില് ഇന്നലെയും ശക്തമായ മഴ ലഭിച്ചിരുന്നു. ഈ സാഹചര്യത്തിൽ ജാഗ്രത പാലിക്കാന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. നിലവിൽ മുന്നറിയിപ്പ് പുറപ്പെടുവിച്ചിട്ടില്ലെങ്കിലും മറ്റ് ജില്ലകളിലും ഇന്ന് മഴ ലഭിക്കും. മാത്രമല്ല മഴ തുടരുന്ന സാഹചര്യത്തില് നാളെയും 11 ജില്ലകളില് യെല്ലോ അലര്ട്ട് ഏര്പ്പെടുത്തിയിട്ടുണ്ട്.
മാത്രമല്ല നിലവിൽ തെക്കു പടിഞ്ഞാറന് ബംഗാള് ഉള്ക്കടലില് തമിഴ്നാട് പുതുച്ചേരിയുടെ വടക്കന് തീരത്തോട് ചേര്ന്ന് നിലകൊള്ളുന്ന തീവ്രന്യൂനമര്ദ്ദം പടിഞ്ഞാറ് -വടക്കു പടിഞ്ഞാറ് ദിശയിലേക്ക് തീങ്ങിക്കൊണ്ടിരിക്കുകയാണ്. തമിഴ്നാട്, കേരളം എന്നീ പ്രദേശങ്ങളിലൂടെ സഞ്ചരിക്കുന്ന തീവ്രന്യൂനമര്ദ്ദം തെക്ക് കിഴക്കന് അറബികടലില് ന്യൂനമര്ദ്ദം / ചക്രവാതച്ചുഴിയായി പ്രവേശിക്കാന് സാദ്ധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്.
https://www.facebook.com/Malayalivartha
