നിയമപരമാണോ എന്ന കാര്യത്തില് പ്രതികരിക്കാന് ഇല്ല... എന്തും ചെയ്യാന് സര്ക്കാരിന് സ്വാതന്ത്ര്യം ... കലാമണ്ഡലം ചാന്സലര് സ്ഥാനത്ത് നിന്ന് നീക്കിയത് മാധ്യമങ്ങളിലൂടെ ആണ് അറിഞ്ഞതെന്ന് ഗവര്ണര് ആരിഫ് മുഹമ്മദ് ഖാന്....
കലാമണ്ഡലം ചാന്സലര് സ്ഥാനത്ത് നിന്ന് നീക്കിയത് മാധ്യമങ്ങളിലൂടെ ആണ് അറിഞ്ഞതെന്ന് ഗവര്ണര് ആരിഫ് മുഹമ്മദ് ഖാന്. നിയമപരം ആണോ എന്ന കാര്യത്തില് പ്രതികരിക്കാന് ഇല്ല. എന്തും ചെയ്യാന് സര്ക്കാരിന് സ്വാതന്ത്ര്യം ഉണ്ട്. മാധ്യമങ്ങള് എല്ലാം റിപ്പോര്ട്ട് ചെയ്യുമ്പോള് സര്ക്കാരെന്തിന് ബുദ്ധിമുട്ടുന്നുവെന്നും അദ്ദേഹം പരിഹസിക്കുകയുണ്ടായി.
അതേസമയം സര്വ്വകലാശാലകളുടെ ചാന്സലര് സ്ഥാനത്തു നിന്നും നീക്കിയ ഓര്ഡിനന്സ് രാഷ്ട്രപതിക്ക് അയക്കുമെന്ന് സൂചന നല്കി ഗവര്ണര്.തന്നെയാണ് ഓര്ഡിനന്സിലൂടെ ലക്ഷ്യമിടുന്നതെങ്കില് താന് തന്നെ അതിന്റെ വിധികര്ത്താവാകില്ല. ഓര്ഡിനന്സ് കണ്ട ശേഷം ഇക്കാര്യത്തില് തീരുമാനമെടുക്കും.
നിയമപരമായി നീങ്ങാനാണ് സര്ക്കാരിന്റെ തീരുമാനമെങ്കില് അത് സ്വാഗതം ചെയ്യുന്നുവെന്നും ഗവര്ണര് ഇന്നലെ രാത്രി ദില്ലിയില് പറഞ്ഞു.
ഇന്നലെയാണ് ദിവസങ്ങള് നീണ്ട ആശയക്കുഴപ്പത്തിന് ഒടുവില് പതിനാല് സര്വ്വകലാശാലകളുടെ ചാന്സലര് സ്ഥാനത്ത് നിന്നും ഗവര്ണറെ മാറ്റിക്കൊണ്ടുള്ള ഓര്ഡിനന്സ് സര്ക്കാര് രാജ്ഭവനിലേക്ക് അയച്ചത്.
ബുധനാഴ്ച ചേര്ന്ന മന്ത്രിസഭായോഗമാണ് ഗവര്ണറെ വെട്ടാന് ഓര്ഡിനന്സ് ഇറക്കാന് തീരുമാനിച്ചത്. ഓര്ഡിനന്സില് ഒപ്പിടില്ലെന്നും രാഷ്ട്രപതിക്ക് അയക്കുമെന്നും ഗവര്ണര് മുമ്പേ വ്യക്തമാക്കിയിരുന്നു. എന്നാല് ഓര്ഡിനന്സില് രാജ്ഭവന്റെ തീരുമാനമെന്തായാലും പിന്നോട്ടില്ലെന്നാണ് സര്ക്കാര് പറയുന്നത്.
ആദ്യം ഓര്ഡിനന്സ്, പിന്നാലെ ബില് - അതാണ് സര്ക്കാര് തീരുമാനം. ബുധനാഴ്ച ചേരുന്ന മന്ത്രിസഭാ യോഗം നിയമസഭാ സമ്മേളനത്തിന്റെ തീയതിയില് ധാരണയുണ്ടാക്കും.
" f
https://www.facebook.com/Malayalivartha
