അൽപം കൂടി വലുതായ കുട്ടി വികൃതി കാണിച്ചാൽ പുറത്ത് വിളിച്ചു കൊണ്ടു പോയി കാര്യം പറഞ്ഞ് മനസ്സിലാക്കിക്കൊടുത്ത് തിരിച്ച് കൊണ്ട് വരാം; അതുവഴി മറ്റുള്ളവരുടെ സ്പേസ് കൂടെ മാനിക്കുന്നതെങ്ങനെ എന്ന് ഉദാഹരണസഹിതം കാണിച്ച് കൊടുക്കുന്നതും അതത് സ്ഥലങ്ങളിൽ കൊണ്ടുപോയിത്തന്നെയാണ്; അല്ലാതെ ഓൺലൈനിൽ ക്ലാസെടുത്തിട്ടല്ല; അങ്ങനെ കാര്യങ്ങൾ കണ്ടും കേട്ടും അറിഞ്ഞ് തന്നെ നമ്മുടെ മക്കൾ വളരട്ടെന്നേ; ഡോക്ടർ ഷിംന അസീസ് കുറിക്കുന്നു
കാര്യങ്ങൾ കണ്ടും കേട്ടും അറിഞ്ഞ് തന്നെ നമ്മുടെ മക്കൾ വളരട്ടെന്നേ... അടിസ്ഥാനപരമായി മനുഷ്യൻ ഒരു സാമൂഹ്യജീവിയാണ്. നിർണായകമായ ഫേസ്ബുക്ക് പോസ്റ്റ് പങ്കു വച്ചിരിക്കുകയാണ് ഡോക്ടർ ഷിംന അസീസ്. ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; വല്ല്യ കുട്ടിയെ ആദ്യമായി യാത്ര കൊണ്ട് പോയത് അഞ്ചാം മാസമാണ്. രണ്ടാമത്തെ ആൾ ജനിച്ച് ഇരുപത്തിമൂന്നാം ദിവസം യാത്ര തുടങ്ങി. ആ പ്രായം തൊട്ട് സകല ടൂറിസ്റ്റ് സ്പോട്ടിലും റെസ്റ്ററൻ്റിലും ഒക്കെ കൊണ്ട് പോയിട്ടുണ്ട്. തീയറ്ററിൽ കൊണ്ട് പോവാൻ തുടങ്ങിയത് അൽപം കൂടി മുതിർന്നിട്ടാണ്.
'പിള്ളേര് ഒരു ശല്യമോ?' ചർച്ച പൊടിപൊടിക്കുകയാണല്ലോ... ആരും ജനിച്ചപ്പഴേ അഞ്ചരയടി പൊക്കവും ടേബിൾ മാനേഴ്സിൽ പിജിയും എടുത്തല്ലല്ലോ വരുന്നത്. സകലയിടത്തും കൊണ്ട് പോയി അവിടത്തെ രീതികൾ പരിചയപ്പെടുത്തിയും 'അരുത്' പറയേണ്ടിടത്ത് അത് പറഞ്ഞും തന്നെയാണ് മക്കൾ വലുതാകുന്നത്. കൈക്കുഞ്ഞ് ട്രെയിനിലും ഫ്ലൈറ്റിലും ബസിലും ഓട്ടോയിലുമൊക്കെ അപ്രതീക്ഷിതമായി കരഞ്ഞെന്നിരിക്കും, അതൊക്കെ സ്വാഭാവികമാണ്. കുഞ്ഞിന് സൈലൻസർ ഫിറ്റ് ചെയ്ത് യാത്ര ചെയ്യാൻ പറ്റില്ല.
ഒരു തിയറ്ററിലോ പ്രസംഗം നടക്കുന്നിടത്തോ തീരേ ചെറിയ കുഞ്ഞ് കരഞ്ഞാൽ വാവയെ പുറത്തെടുത്ത് കൊണ്ട് പോയി സമാധാനിപ്പിക്കുന്നതും, അൽപം കൂടി വലുതായ കുട്ടി വികൃതി കാണിച്ചാൽ പുറത്ത് വിളിച്ചു കൊണ്ടു പോയി കാര്യം പറഞ്ഞ് മനസ്സിലാക്കിക്കൊടുത്ത് തിരിച്ച് കൊണ്ട് വരുന്നതും ഈ പ്രോസസിന്റെ ഭാഗമാണ്. അതുവഴി മറ്റുള്ളവരുടെ സ്പേസ് കൂടെ മാനിക്കുന്നതെങ്ങനെ എന്ന് ഉദാഹരണസഹിതം കാണിച്ച് കൊടുക്കുന്നതും അതത് സ്ഥലങ്ങളിൽ കൊണ്ടുപോയിത്തന്നെയാണ്, അല്ലാതെ ഓൺലൈനിൽ ക്ലാസെടുത്തിട്ടല്ല. അങ്ങനെ കാര്യങ്ങൾ കണ്ടും കേട്ടും അറിഞ്ഞ് തന്നെ നമ്മുടെ മക്കൾ വളരട്ടെന്നേ... അടിസ്ഥാനപരമായി മനുഷ്യൻ ഒരു സാമൂഹ്യജീവിയാണ്.
https://www.facebook.com/Malayalivartha
