എറണാകുളം ജില്ലയിലെ ചെറുകിട സൂക്ഷ്മ ഇടത്തരം സംരംഭങ്ങളെ പ്രോത്സാഹിപ്പിക്കുന്നതിനും വിപണന സാധ്യത വർദ്ധിപ്പിക്കുന്നതിനും ലക്ഷ്യമിടുന്ന വ്യവസായ പ്രദർശന വിപണന മേള തുടരുന്നു.

എറണാകുളത്തപ്പൻ മൈതാനത്ത് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ കൊച്ചി താലൂക്ക് വ്യവസായ ഓഫീസും, കണയന്നൂർ താലൂക്ക് വ്യവസായ ഓഫീസും സംയുക്തമായാണ് മേള നടത്തുന്നത്.

ജില്ലയിലെ വ്യവസായ സംരംഭകരുടെ ഉത്പന്നങ്ങൾ ഇടനിലക്കാരില്ലാതെ നേരിട്ട് ഉപഭോക്താക്കൾക്ക് ലഭ്യമാകും എന്നതാണ് മേളയുടെ പ്രത്യേകത. കരകൗശല ഉത്പന്നങ്ങൾ, ഭക്ഷ്യ ഉത്പങ്ങൾ, ഗാർഹിക ഉപകരണങ്ങൾ, തുണിത്തരങ്ങൾ, മറ്റു വ്യവസായിക ഉത്പന്നങ്ങൾ എന്നിവ ഉപഭോക്താക്കൾക്ക് നേരിട്ട് സംരംഭകരിൽ നിന്ന് വാങ്ങാനാകും.

നവംബർ 16 മുതൽ 27 വരെ എറണാകുളത്തപ്പൻ മൈതാനിയിൽ നടക്കുന്ന ഫ്ലവർ ഷോയോട് അനുബന്ധിച്ചാണ് മേള സംഘടിപ്പിച്ചിരിക്കുന്നത്. ജില്ലാ വ്യവസായ കേന്ദ്രം ജനറൽ മാനേജർ പി.എ നജീബ് മേളയുടെ ഉദ്ഘാടനം നിർവഹിച്ചു.