വടക്കഞ്ചേരിയില് സ്കൂള് വിദ്യാര്ത്ഥികള് അടക്കം ഒമ്പതുപേരുടെ മരണത്തിനിടയാക്കിയ അപകടത്തില് കെഎസ്ആര്ടിസി ബസിനും പങ്കുണ്ടെന്ന് മോട്ടോര് വാഹന വകുപ്പ്.... ബസ് റോഡില് നിര്ത്തിയില്ലെന്ന കെഎസ്ആര്ടിസിയുടെ വാദം തള്ളുന്നതാണ് ആര്ടിഒയുടെ അന്തിമ റിപ്പോര്ട്ട്
വടക്കഞ്ചേരിയില് സ്കൂള് വിദ്യാര്ത്ഥികള് അടക്കം ഒമ്പതുപേരുടെ മരണത്തിനിടയാക്കിയ അപകടത്തില് കെഎസ്ആര്ടിസി ബസിനും പങ്കുണ്ടെന്ന് മോട്ടോര് വാഹന വകുപ്പ്.... ബസ് റോഡില് നിര്ത്തിയില്ലെന്ന കെഎസ്ആര്ടിസിയുടെ വാദം തള്ളുന്നതാണ് ആര്ടിഒയുടെ അന്തിമ റിപ്പോര്ട്ട്
വടക്കഞ്ചേരിയില് സ്കൂള് വിദ്യാര്ത്ഥികള് അടക്കം ഒമ്പതുപേരുടെ മരണത്തിനിടയാക്കിയ അപകടത്തില് കെഎസ്ആര്ടിസി ബസിനും പങ്കുണ്ടെന്ന് മോട്ടോര് വാഹന വകുപ്പ്. റോഡ് ഷോള്ഡറിന്റെ അപാകം അപകടതീവ്രത വര്ധിപ്പിച്ചതായും പാലക്കാട് എന്ഫോഴ്സ്മെന്റ് ആര്ടിഒ സമര്പ്പിച്ച അന്തിമ റിപ്പോര്ട്ടില് പറയുന്നു.
കെഎസ്ആര്ടിസി സൂപ്പര് ഫാസ്റ്റ് ദേശീയപാതയിലെ വളവില് നിര്ത്തി യാത്രക്കാരനെ ഇറക്കിയിരുന്നു. ഇതിനുശേഷം മുന്നോട്ടുനീങ്ങുമ്പോഴാണ് ടൂറിസ്റ്റ് ബസ് ഇടിച്ചത്. ബസ് റോഡില് നിര്ത്തിയില്ലെന്ന കെഎസ്ആര്ടിസിയുടെ വാദം തള്ളുന്നതാണ് ആര്ടിഒയുടെ അന്തിമ റിപ്പോര്ട്ട്.
വാഹനങ്ങള്ക്ക് തടസ്സമുണ്ടാകും വിധം കെഎസ്ആര്ടിസി റോഡില് നിര്ത്തിയത് തെറ്റാണ്. എങ്കിലും അപകടത്തിന് പ്രധാനകാരണം ടൂറിസ്റ്റ് ബസ് ഡ്രൈവര് ജോമോന്റെ അമിതവേഗവും അലക്ഷ്യ ഡ്രൈവിങ്ങുമാണ്. വലത് ട്രാക്കിലൂടെ നീങ്ങിയ കാറിനെയും ഇടതുട്രാക്കിലൂടെ നീങ്ങിയ കെഎസ്ആര്ടിസി ബസിനെയും വളവില്വെച്ച് ഒരേസമയം മറികടക്കാനായി ടൂറിസ്റ്റ് ബസ് ഡ്രൈവര് ശ്രമിച്ചുവെന്ന് റിപ്പോര്ട്ടിലുള്ളത്.
വേഗക്കൂടുതല് കാരണം വളവ് തിരിയാനായി കൂടുതല് സ്ഥലമെടുത്തതോടെ കണക്കുകൂട്ടല് പിഴച്ചു. ഈ സമയം ടൂറിസ്റ്റ് ബസ് 97.72 കി.മീ. വേഗത്തിലായിരുന്നു. ബസിലെ ജിപിഎസില് നിന്നുള്ള വിവരങ്ങള്, നിരീക്ഷണ ക്യാമറകളില് നിന്നുള്ള വിവരങ്ങള് എന്നിവ വിശകലനം ചെയ്താണ് റിപ്പോര്ട്ട് തയ്യാറാക്കിയിട്ടുളളത്.
"
https://www.facebook.com/Malayalivartha
