എറണാകുളത്ത് വീടിൻ്റെ ടെറസിൽ കഞ്ചാവ് കൃഷി നടത്തിയ യുവാവ് അറസ്റ്റിൽ. എറണാകുളം നോർത്ത് പറവൂർ ചിറ്റാറ്റുകരയിൽ തയ്യോത്ത് സിജോ (26) ആണ് പിടിയിലായത്. പൂർണ തോതിൽ വളർച്ച എത്തിയ ചെടികൾ പരിശോധനയിൽ കണ്ടെത്തി.

ഒരു ചെടി മുറിച്ച് ഉണക്കാനിട്ട നിലയിലും വിശദമായ പരിശോധനയിൽ കഞ്ചാവിൻ്റെ ചെറിയ തൈകൾ വീട്ടിൽ സൂക്ഷിച്ചിരിക്കുന്നതായും കണ്ടെത്തി. രഹസ്യ വിവരത്തെ തുടർന്ന് പോലീസ് നടത്തിയ പരിശോധനയിലാണ് ടെറസിൽ നിന്നും കഞ്ചാവ് കണ്ടെത്തിയത്. വടക്കേക്കര സിഐ സൂരജിൻ്റെ നേതൃത്വത്തിലാണ് യുവാവിൻ്റെ വീട്ടിൽ പോലീസ് പരിശോധന നടത്തിയത്. സിജോയെ വിശദമായ ചോദ്യം ചെയ്യലിന് വിധേയമാക്കാനാണ് തീരുമാനം.