തൃശൂര്‍ കൊണ്ടാഴിയില്‍ സ്വകാര്യ ബസ്സ് താഴ്ചയിലേക്ക് മറിഞ്ഞു. തൃശൂരില്‍ നിന്ന് തിരുവില്വാമലയിലേക്കവരികയായിരുന്ന സുമംഗലി ബസ്സാണ് അപകടത്തില്‍ പെട്ടത്.

നിയന്ത്രണം വിട്ട് താഴ്ചയിലേക്ക് മറിയുകയായിരുന്നു. 30 യാത്രക്കാര്‍ ബസ്സിലുണ്ടായിരുന്നു. 8 മണിയോടെയായിരുന്നു അപകടമുണ്ടായത്. ഡ്രൈവര്‍ക്കും ഒരു യാത്രക്കാരിക്കും ഗുരുതര പരുക്ക്. പരിക്കേറ്റവരെ സമീപത്തെ വിവിധ ആശുപത്രികളിലെത്തിച്ചു.

അതേസമയം മറ്റൊരു സംഭവത്തില്‍ ഈ മാസം പതിനഞ്ചാം തീയതി പത്തനംതിട്ടയില്‍ സ്വകാര്യ ബസ് മറിഞ്ഞ് പത്ത് പേര്‍ക്ക് പരിക്കേറ്റിരുന്നു . നിയന്ത്രണം വിട്ട ബസ് റോഡിന് ഒരു വശത്തെ താഴ്ചയിലേക്ക് മറിയുകയായിരുന്നു. പത്തനംതിട്ട സീതത്തോടാണ് സംഭവം നടന്നത്.

ആങ്ങമുഴിയില്‍ നിന്ന് പത്താനപുരത്തേക്ക് പോകുകയായിരുന്ന സുല്‍ത്താന്‍ എന്ന ബസാണ് അപകടത്തില്‍പ്പെട്ടത്.പരിക്കേറ്റവരുടെ നില ഗുരുതരമല്ല. ഇവരെ പ്രഥമിക ചികിത്സയ്ക്കായി ആശുപത്രിയിലേക്ക് മാറ്റി. ബസ് മറിയവെ യാത്രക്കാര്‍ ആരും തന്നെ ബസിനുള്ളില്‍ നിന്ന് പുറത്തേക്ക് പോയിരുന്നില്ല. നാട്ടുകാരും , അഗ്‌നിശമനസേന ഉദ്യോഗസ്ഥരും ചേര്‍ന്നാണ് രക്ഷാപ്രവര്‍ത്തനം നടത്തിയത്.