കെഎസ്ആർടിസി പ്രതിസന്ധി തുടരുന്ന സാഹചര്യത്തിൽ വിമർശനവുമായി ഹൈക്കോടതി. കെഎസ്ആർടിസിയെ സ്വയം പര്യാപ്തമാക്കാൻ എന്തു ചെയ്യാൻ കഴിയുമെന്നു സർക്കാർ അറിയിക്കണമെന്നു ഹൈക്കോടതി ചോദിച്ചു. മാത്രമല്ല സ്വത്തുക്കൾ വിറ്റഴിക്കുന്നത് ഉൾപ്പെടെ വരുമാനം കണ്ടെത്താനുള്ള സാധ്യതകൾ തേടണമെന്നും കോടതി പറഞ്ഞിരുന്നു.

അതേസമയം സർക്കാരിന്റെ മറുപടി ഇനിയും വൈകിക്കാൻ കഴിയില്ലെന്നു കോടതി വ്യക്തമാക്കി. സർക്കാർ യഥാസമയം ശമ്പളം ഉറപ്പാക്കണമെന്ന് ആവശ്യപ്പെട്ട് ഒരു കൂട്ടം ജീവനക്കാർ നൽകിയ ഹർജിയാണു ജസ്റ്റിസ് ദേവൻ രാമചന്ദ്രൻ പരിഗണിച്ചത്.

ഇതേതുടർന്ന് ഭാവിയിലെങ്കിലും ജീവനക്കാരുടെ ശമ്പളവും ആനുകൂല്യങ്ങളും യഥാസമയം നൽകാനുള്ള മാർഗം കണ്ടെത്തണമെന്നാണ് പറയുന്നത്. ഇതോടെ കോടതി നിശ്ചയിച്ച സമയപരിധിയിൽ ശമ്പളം ഉറപ്പാക്കാൻ ശ്രമിക്കുന്നുണ്ടെന്നു സർക്കാർ അറിയിച്ചു.