മങ്കടയിൽ മയക്കുമരുന്ന് കടത്ത്. വിൽപ്പനക്കായി കൊണ്ടുവന്ന എം.ഡി.എം.എയുമായി യുവാവ് അറസ്റ്റിൽ. സംഭവത്തിൽ മഞ്ചേരി പട്ടർകുളം സ്വദേശി അത്തിമണ്ണിൽ മുഹമ്മദ് അനീസിനെ (27) ആണ് മങ്കട പൊലീസ് അറസ്റ്റ് ചെയ്തത്. വെള്ളില നിരവിൽവെച്ചാണ് ഇയാളെ പിടികൂടിയത്.

അതേസമയം 43 ഗ്രാം മയക്കുമരുന്നുമായാണ് ഇയാൾ പിടിയിലായത്. രഹസ്യ വിവരത്തെ തുടർന്ന് മങ്കട എസ്.ഐ സി.കെ നൗഷാദിന്റെ നേതൃത്വത്തിലുള്ള പൊലീസ് സംഘം നടത്തിയ പരിശോധനയിലാണ് ഇയാളെ വാഹന സഹിതം അറസ്റ്റ് ചെയ്തത്.

തുടർന്ന് ബംഗളൂരുവിൽ നിന്ന് വൻതോതിൽ എം.ഡി.എം.എ ജില്ലയിലെത്തിച്ച് യുവാക്കൾക്കിടയിലും വിദ്യാർഥികൾക്കിടയിലും വിൽപ്പന നടത്തുന്ന ജില്ലയിലെ പ്രധാന കണ്ണിയെയാണ് ഇയാളെന്ന് തിരിച്ചറിഞ്ഞു. വെള്ളില, മങ്കട തുടങ്ങിയ സ്ഥലങ്ങളിൽ വിൽപനക്കായി വരുന്ന സമയത്താണ് അറസ്റ്റ് ചെയ്തത്. പ്രതി സഞ്ചരിച്ച കാർ കസ്റ്റഡിയിലെടുത്തു. കോടതിയിൽ ഹാജരാക്കിയ യുവാവിനെ റിമാൻഡ് ചെയ്തു.