ബാഡ് ന്യൂസ് ബ്രേക്ക് ചെയ്യുകയെന്നത് ഒരു ഡോക്ടറെ സംബന്ധിച്ചിടത്തോളം ഓരോ തവണയും ഏറെ ശ്രദ്ധയും സൂക്ഷ്മതയും ആവശ്യമായ പ്രവർത്തിയാണ്; ആരോടും പോയി അവരുടെ ഉറ്റവർ മരിച്ചത് പറയുന്നത് എളുപ്പമല്ല; അതിന് പല സ്റ്റെപ്സ് ഉണ്ട്, അതെല്ലാം ഇവിടെ പാലിക്കപ്പെട്ടിട്ടുമുണ്ട്; അങ്ങനെയിരിക്കേയാണ് തൊഴിലിടത്തിൽ ഒരു സ്ത്രീയെ അടിവയറ്റിൽ ചവിട്ടിയ കേസ് ഒരു തമാശ കണക്കേ വായിക്കപ്പെടുന്നത്; എത്രയും പെട്ടെന്ന് തന്നെ കുറ്റവാളി പിടിക്കപ്പെട്ട് മാതൃകാപരമായ രീതിയിൽ ശിക്ഷിക്കപ്പെടട്ടെ; ഡോക്ടർ ഷിംന അസീസ് കുറിക്കുന്നു
തിരുവനന്തപുരം മെഡിക്കൽ കോളേജിൽ ന്യൂറോസർജറി റസിഡന്റിന് അടിവയറ്റിൽ ചവിട്ട് കിട്ടിയ സംഭവം നടന്നിട്ട് ദിവസങ്ങളാവുന്നു. ചെയ്തതാരാണെന്നും മറ്റും പകൽപോലെ വ്യക്തമായ ധാരണ ഉള്ളൊരു സംഭവത്തിൽ അന്നേക്കന്ന് തന്നെ നടപടി ഉണ്ടായില്ലല്ലോ എന്ന അത്ഭുതം ഇതിപ്പോ ഇത്ര ദിവസമായിട്ടും അതുപോലെ നിൽക്കുന്നത് കാണുമ്പോൾ വല്ലാത്ത വിഷമവും ആശങ്കയും ഉണ്ടാക്കുന്നുണ്ട്. നിർണായകമായ പ്രതികരണം ഫേസ്ബുക്ക് കുറിപ്പിലൂടെ വ്യക്തമാക്കി ഡോക്ടർ ഷിംന അസീസ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;
തിരുവനന്തപുരം മെഡിക്കൽ കോളേജിൽ ന്യൂറോസർജറി റസിഡന്റിന് അടിവയറ്റിൽ ചവിട്ട് കിട്ടിയ സംഭവം നടന്നിട്ട് ദിവസങ്ങളാവുന്നു. ചെയ്തതാരാണെന്നും മറ്റും പകൽപോലെ വ്യക്തമായ ധാരണ ഉള്ളൊരു സംഭവത്തിൽ അന്നേക്കന്ന് തന്നെ നടപടി ഉണ്ടായില്ലല്ലോ എന്ന അത്ഭുതം ഇതിപ്പോ ഇത്ര ദിവസമായിട്ടും അതുപോലെ നിൽക്കുന്നത് കാണുമ്പോൾ വല്ലാത്ത വിഷമവും ആശങ്കയും ഉണ്ടാക്കുന്നുണ്ട്.
ബാഡ് ന്യൂസ് ബ്രേക്ക് ചെയ്യുകയെന്നത് ഒരു ഡോക്ടറെ സംബന്ധിച്ചിടത്തോളം ഓരോ തവണയും ഏറെ ശ്രദ്ധയും സൂക്ഷ്മതയും ആവശ്യമായ പ്രവർത്തിയാണ്. ആരോടും പോയി അവരുടെ ഉറ്റവർ മരിച്ചത് പറയുന്നത് എളുപ്പമല്ല. അതിന് പല സ്റ്റെപ്സ് ഉണ്ട്, അതെല്ലാം ഇവിടെ പാലിക്കപ്പെട്ടിട്ടുമുണ്ട്. അങ്ങനെയിരിക്കേയാണ്, തൊഴിലിടത്തിൽ ഒരു സ്ത്രീയെ അടിവയറ്റിൽ ചവിട്ടിയ കേസ് ഒരു തമാശ കണക്കേ വായിക്കപ്പെടുകയും കമന്റിൽ മുഴുവൻ ഡോക്ടർ വിരക്തി കവിഞ്ഞൊഴുകുകയും ചെയ്യുന്നത്.
ഇത് പ്രശ്നമാകാൻ പോകുന്നത് അത്യന്തം സങ്കീർണമായ പ്രക്രിയകൾ വേണ്ടി വരുന്നിടത്ത് 'റിസ്കെടുക്കാൻ തയ്യാറല്ല' എന്ന് ഡോക്ടർമാർ തീരുമാനമെടുത്തു തുടങ്ങുമ്പോഴായിരിക്കും. പാവപ്പെട്ട അനേകം രോഗികളെയാവും ഇത് ബാധിക്കുക. സ്വന്തം ആരോഗ്യത്തേക്കാളും ആയുസ്സിനേക്കാളും വലുതല്ല ആർക്കും ഒന്നും എന്നോർക്കുക. അക്രമത്തിനു പുറമേ അനീതിയും നേരിട്ട സഹപ്രവർത്തകക്ക് ഒപ്പമാണ്, അവർ വേഗം സുഖം പ്രാപിക്കട്ടെ. എത്രയും പെട്ടെന്ന് തന്നെ കുറ്റവാളി പിടിക്കപ്പെട്ട് മാതൃകാപരമായ രീതിയിൽ ശിക്ഷിക്കപ്പെടട്ടെ.
https://www.facebook.com/Malayalivartha