'മനുഷ്യനെ യാതൊരു വിധത്തിലും സന്തോഷിക്കാനോ ആഘോഷിക്കാനോ ആഹ്ലാദിക്കാനോ അനുവദിക്കാത്ത മതം എത്ര ഭീകരമാണ് ??? ഊണിലും ഉറക്കത്തിലും സന്തോഷത്തിലും ഇഷ്ടത്തിലും പ്രണയത്തിലും ഭക്ഷണത്തിലും എന്തിനേറെ വസ്ത്രത്തിൽ പോലും ഇടപെടുന്ന മതം എത്ര അരോചകമാണ്' എന്ന് കുറിക്കുകയാണ് ജസ്ല മാടശ്ശേരി.

ഫേസ്ബുക്ക് കുറിപ്പ് ഇങ്ങനെ;

മനുഷ്യനെ യാതൊരു വിധത്തിലും സന്തോഷിക്കാനോ ആഘോഷിക്കാനോ ആഹ്ലാദിക്കാനോ അനുവദിക്കാത്ത മതം എത്ര ഭീകരമാണ് ??? ഊണിലും ഉറക്കത്തിലും സന്തോഷത്തിലും ഇഷ്ടത്തിലും പ്രണയത്തിലും ഭക്ഷണത്തിലും എന്തിനേറെ വസ്ത്രത്തിൽ പോലും ഇടപെടുന്ന മതം എത്ര അരോചകമാണ്.

പ്രവാചകൻ പഠിപ്പിച്ചതും പ്രോത്സാഹിപ്പിച്ചതും നാല് കളികളാണ്. അമ്പ് എയ്ത്തും, വാൾ പയറ്റും, കുതിര ഓട്ടവും.( ഇനി ഒരു കളി കൂടെയുണ്ട്.) ഇതെല്ലാം യുദ്ധത്തിന് ആവശ്യമായിരുന്നു.തന്റെ യുദ്ധഭ്രാന്തിന് വേണ്ടി, അറേബ്യൻ ദൈവത്തിന്റെ അധികാര വിസ്തൃതിയുടെ പേരിൽ പോരിടിക്കാനും, കൊള്ള ചെയ്യാനുമാണ് ഈ കളികൾ ഇസ്ലാമിൽ പ്രോത്സാഹിപ്പിച്ചത്.

ദൈവത്തിന് വേണ്ടി യുദ്ധം ചെയ്യാനും മരിക്കാനും സ്വർഗ്ഗം നേടാനുമാണ് ഈ കളികൾ പ്രോത്സാഹിപ്പിക്കപ്പെടത് എന്ന് ചുരുക്കം. അള്ളാഹുവിന്റെ കളികൾക്ക് വേണ്ടി, ആകെയുള്ള മനുഷ്യ ജീവിതത്തിലേക്ക് വിഭജനത്തിന്റെയും, വിദ്വോഷത്തിന്റെയും, അസ്സഹിഷ്ണുതയുടേയും, വംശീയതയുടേയും സർവ്വോപരി ഫാസിസത്തിന്റെയും വിത്തിടുന്ന ഇതുപോലുള്ള കേശവൻ മാമ്മൻമ്മാരാണ്,മനുഷ്യന്റെ കായിക വിനോദങ്ങളെ പരിഹസിക്കുന്നത്.

ഫുട്ബോൾ ഒന്നര മണിക്കൂർ നേരത്തെ വിനോദം മാത്രമാണ്. അത് മനുഷ്യന്റെ ചോര പൊടിയാത്ത പോരാട്ട വീറിനെ ലോകമെങ്ങും ജ്വലിപ്പിക്കുന്നു. എന്തായാലും ഇരുപത് പേർക്കും ഒരോ പന്ത് വീതം നൽകി ഇരു ടീമുകൾ തമ്മിലുള്ള പ്രശ്നം പരിഹരിക്കാൻ കൂടി മത നേതാക്കൾ ഇടപെടുമെന്ന് പ്രത്യാശിക്കുന്നു.