സെക്രട്ടേറിയറ്റിലെ ഏഴ് ഉദ്യോഗസ്ഥർക്ക് കാരണം കാണിക്കൽ നോട്ടിസ് നൽകാൻ ചീഫ് സെക്രട്ടറി നിർദേശിച്ചു....എന്തിനും ഏതിനും സര്വ്വീസ് സംഘടനകള് സമരത്തിന് ചാടിപ്പുറപ്പെടുന്ന സ്ഥിതിവിശേഷം ഇതോടെ മാറും..നടപടി വന്നാല് സര്വ്വീസ് സംഘടനാഭാരവാഹികള്ക്കു പോലും രക്ഷിക്കാനാകില്ല
ഗവർണർക്കെതിരെ ഇടതുമുന്നണി സംഘടിപ്പിച്ച രാജ്ഭവൻ വളയൽ സമരത്തിൽ പങ്കെടുത്ത സെക്രട്ടേറിയറ്റിലെ ഏഴ് ഉദ്യോഗസ്ഥർക്ക് കാരണം കാണിക്കൽ നോട്ടിസ് നൽകാൻ ചീഫ് സെക്രട്ടറി നിർദേശിച്ചു. നടപടി വന്നാല് സര്വ്വീസ് സംഘടനാഭാരവാഹികള്ക്കു പോലും രക്ഷിക്കാനാകില്ലെന്നതിനാല് ഉദ്യോഗസ്ഥര് അല്പം ഭയാശങ്കയിലാണ്. എന്തിനും ഏതിനും സര്വ്വീസ് സംഘടനകള് സമരത്തിന് ചാടിപ്പുറപ്പെടുന്ന സ്ഥിതിവിശേഷം ഇതോടെ മാറുമെന്നാണ് ഇത് സംബന്ധിച്ച് ചിലര് വിലയിരുത്തുന്നത്.
അഡീഷണൽ സെക്രട്ടറിമാരായ പി ഹണി, ഷൈനി, സെക്ഷൻ ഓഫീസർമാരായ ജി ശിവകുമാർ, ഇ നാസർ, കെ എൻ അശോക് കുമാർ, ഐ കവിത, ഓഫീസ് അറ്റൻഡന്റ് കല്ലുവിള അജിത് എന്നിവർക്കെതിരെയാണ് പരാതി. സെക്രട്ടേറിയറ്റിലെ സിപിഎം അനുകൂല സംഘടനയുടെ ഏഴു നേതാക്കൾ മാർച്ചിൽ പങ്കെടുത്തു എന്നാണ് ബിജെപി നൽകിയ പരാതിയിലുള്ളത്. ഇതിൽ രണ്ടുപേർ അഡീഷണൽ സെക്രട്ടറിമാരാണ്. സര്വ്വകലാശാല രംഗത്തെ പോരായ്മകള് പരിഹരിക്കാന് പോരിനിറങ്ങിയ ഗവര്ണറെ നിശ്ശബ്ദമാക്കാനായിരുന്നു ഇടതുമുന്നണി രാജ് ഭവന് വളയല് സംഘടിപ്പിച്ചത്.
സർക്കാർ ഉദ്യോഗസ്ഥരുടെ പെരുമാറ്റച്ചട്ടം ലംഘിച്ച് രാഷ്ട്രീയ പരിപാടിയിൽ പങ്കെടുത്ത ഉദ്യോഗസ്ഥർക്കെതിരെ സ്വീകരിച്ച നടപടി അറിയിക്കണമെന്ന് ഗവർണറുടെ പ്രിൻസിപ്പൽ സെക്രട്ടറി, ചീഫ് സെക്രട്ടറിക്ക് അയച്ച കത്തിൽ ആവശ്യപ്പെട്ടിരുന്നു. എന്നാല് രാജ്ഭവൻ മാർച്ചിൽ പങ്കെടുത്ത സെക്രട്ടറിയേറ്റിലെ ഉദ്യോഗസ്ഥർക്കെതിരെ നടപടി ആവശ്യപ്പെട്ടിട്ടില്ലെന്ന് ഗവർണർ ആരിഫ് മുഹമ്മദ് ഖാൻ ദൽഹിയിൽ പറഞ്ഞു.
"എന്റെ ശ്രദ്ധ അതിലും സർവകലാശാലകളുടെ കാര്യത്തിലാണ്. മുഖ്യമന്ത്രി ഉറപ്പുനൽകിയിട്ടും അനധികൃത ഇടപെടൽ തുടർന്നപ്പോൾ പ്രതീക്ഷ നഷ്ടപ്പെട്ടിരുന്നു. കോടതി ഉത്തരവുകളുടെ വെളിച്ചത്തിൽ സർവകലാശാലകളെ രക്ഷിക്കാനാകുമെന്ന പ്രത്യാശയുണ്ട്" - ഗവർണർ പറഞ്ഞു. അതേമയം പോലീസ് ഉദ്യോഗസ്ഥനോട് മോശമായി പെരുമാറിയതിന് മുന് കോണ്ഗ്രസ് എം.എല്.എയും കേരള ഗവര്ണര് ആരിഫ് മുഹമ്മദ് ഖാന്റെ സഹോദരനുമായ ആസിഫ് മുഹമ്മദ് ഖാന് അറസ്റ്റില്. ഡല്ഹി പോലീസാണ് അറസ്റ്റ് ചെയ്തത്. ഡല്ഹി ജാമിയ നഗറില് നടന്ന സംഭവത്തില് മിന്ഹാസ്, സാബിര് എന്നിങ്ങനെ മറ്റുരണ്ടുപേരേയും പോലീസ് കസ്റ്റഡിയില് എടുത്തിട്ടുണ്ട്.
ഡല്ഹി കോര്പറേഷനിലേക്കുള്ള തിരഞ്ഞെടുപ്പില് ആസിഫ് മുഹമ്മദ് ഖാന്റെ മകള് ആരിബാ ഖാന് കോണ്ഗ്രസ് ടിക്കറ്റില് മത്സരിക്കുന്നുണ്ട്. തയ്യിബ് മസ്ജിദിന് സമീപത്ത് ആള്ക്കൂട്ടത്തെ അഭിസംബോധന ചെയ്ത് സംസാരിച്ച ആസിഫ് മുഹമ്മദ് ഖാന്, മെഗാഫോണ് ഉപയോഗത്തിന് തിരഞ്ഞെടുപ്പ് കമ്മീഷനില് നിന്നും അനുമതി വാങ്ങിയിരുന്നില്ല. ആസിഫ് മുഹമ്മദ് ഖാന് സംസാരിക്കുന്നത് ശ്രദ്ധയില്പ്പെട്ട പോലീസ് ഉദ്യോഗസ്ഥന്, അനുമതി വാങ്ങിയിരുന്നോയെന്ന് അന്വേഷിച്ചു. ഇതിനേത്തുടര്ന്ന് ആസിഫ് മുഹമ്മദ് ഖാന് പോലീസുദ്യോഗസ്ഥനോട് മോശമായി പെരുമാറുകയും തെറിവിളിക്കുകയുമായിരുന്നവെന്നാണ് കേസ്. ഷഹീന്ബാഗ് പോലീസ് സ്റ്റേഷനില് രജിസ്റ്റര് ചെയ്ത കേസില് അന്വേഷണം ആരംഭിച്ചതായി പോലീസ് അറിയിച്ചു.
https://www.facebook.com/Malayalivartha
