ഒടുവില് പിടിയില്..... സ്വര്ണമാല വാങ്ങി ചെളി കളഞ്ഞ് തിളക്കമുള്ളതാക്കാമെന്ന് പറഞ്ഞ് രാസലായനിയില് മുക്കി.... ഏറെ സമയം കഴിഞ്ഞ് പുറത്തെടുത്ത് കടലാസില് പൊതിഞ്ഞ് കൊടുത്തശേഷം 15 മിനിറ്റ് കഴിഞ്ഞ് തുറന്നാല് മതിയെന്ന് സംഘം, ഒടുവില് പൊതി തുറന്നപ്പോള് കണ്ടത് ഞെട്ടിക്കുന്ന കാഴ്ച...
ഒടുവില് പിടിയില്..... സ്വര്ണമാല വാങ്ങി ചെളി കളഞ്ഞ് തിളക്കമുള്ളതാക്കാമെന്ന് പറഞ്ഞ് രാസലായനിയില് മുക്കി.... ഏറെ സമയം കഴിഞ്ഞ് പുറത്തെടുത്ത് കടലാസില് പൊതിഞ്ഞ് കൊടുത്തശേഷം 15 മിനിറ്റ് കഴിഞ്ഞ് തുറന്നാല് മതിയെന്ന് സംഘം, ഒടുവില് പൊതി തുറന്നപ്പോള് കണ്ടത് ഞെട്ടിക്കുന്ന കാഴ്ച...
സ്വര്ണാഭരണങ്ങളിലെ ചെളികളഞ്ഞ് തിളക്കമുള്ളതാക്കാമെന്ന് പറഞ്ഞ് രാസലായിനിയില് മുക്കി സ്വര്ണം കവരുന്ന സംഘത്തിലെ അംഗമാണ് പിടിയിലായത്. ബീഹാര് സ്വദേശി രവികുമാര്ഷാനെ (24) നാട്ടുകാര് പിടികൂടി കൊല്ലങ്കോട് പൊലീസിന് ഏല്പ്പിച്ചു. കൂടെയുണ്ടായിരുന്നയാള് ഓടി രക്ഷപ്പെട്ടു കളഞ്ഞു.
പനങ്ങാട്ടിരി അമ്പലപറമ്പില് കഴിഞ്ഞ ദിവസം ഉച്ചയോടെയാണ് സംഭവംനടന്നത്. ഓട്ടുപാത്രങ്ങള് സൗജന്യമായി തിളക്കമുള്ളതാക്കി തരാമെന്ന് പറഞ്ഞു രണ്ടു പേര് അമ്പലപാറ പരേതനായ കൊച്ചന്റെ ഭാര്യ പൊന്നുവിന്റെ വീട്ടിലെത്തി.
പൊന്നു നല്കിയ ഓട്ടുവിളക്കുകള് ഉടനെ തന്നെ നിറമുള്ളതാക്കി നല്കി. തുടര്ന്ന് പൊന്നുവിന്റെ കഴുത്തിലെ സ്വര്ണമാലയില് നിറയെ ചെളിയുണ്ടെന്നും പറഞ്ഞ് മാല ഊരി വാങ്ങുകയായിരുന്നു. രാസലായിനിയില് മാല മുക്കിയ ശേഷം ഏറെ സമയം കഴിഞ്ഞ് പുറത്തെടുക്കുകയും ഒരു കടലാസില് പൊതിഞ്ഞ് 15 മിനിട്ടിനു ശേഷം തുറന്നുനോക്കിയാല് മതിയെന്നും പറഞ്ഞു.
വീട്ടിനകത്തുണ്ടായ പൊന്നുവിന്റെ മകന് കൃഷ്ണദാസ് പുറത്തേക്ക് വരുമ്പേഴേയ്ക്കും ഉരുക്കിമാറ്റിയ സ്വര്ണവുമായി രണ്ടാമത്തെയാള് ഓടി രക്ഷപ്പെട്ടു.
സംശയം തോന്നി പൊതിതുറന്ന് നോക്കിയപ്പോഴാണ് തട്ടിപ്പാണെന്ന കാര്യം മനസ്സിലായത്. ഉടനെ പരിസരവാസികളുടെ സഹായത്തോടെ പ്രതിയെ പിടികൂടുകയായിരുന്നു. തിരിച്ചു നല്കിയ പൊതിക്കകത്ത് നാരുപോലെ കറുത്ത ഒരു അവശിഷ്ടം മാത്രമാണ് ഉണ്ടായിരുന്നതെന്നും രണ്ടു പവനിലധികം സ്വര്ണം നഷ്ടപ്പെട്ടെന്നും കൃഷ്ണദാസ് പറഞ്ഞു.
രക്ഷപ്പെട്ട പ്രതിക്കായി അന്വേഷണം ഊര്ജ്ജിതമാക്കിയിട്ടുണ്ട്. അറസ്റ്റുചെയ്ത പ്രതിയെ കോടതിയില് ഹാജരാക്കി റിമാന്ഡിലാക്കി.
https://www.facebook.com/Malayalivartha
