സില്വര് ലൈന് പദ്ധതികള് മരവിപ്പിച്ച് സര്ക്കാര്.... ഭൂമിയേറ്റെടുക്കാന് നിര്ദേശിച്ച എല്ലാ ഉദ്യോഗസ്ഥരെയും മടക്കി വിളിച്ചു, ഇനി സാമൂഹ്യാഘാത പഠനം കേന്ദ്ര അനുമതിയ്ക്കു ശേഷം മാത്രം, ഉത്തരവിറക്കി റവന്യൂവകുപ്പ്
സില്വര് ലൈന് പദ്ധതികള് മരവിപ്പിച്ച് സര്ക്കാര്.... ഭൂമിയേറ്റെടുക്കാന് നിര്ദേശിച്ച എല്ലാ ഉദ്യോഗസ്ഥരെയും മടക്കി വിളിച്ചു, ഇനി സാമൂഹ്യാഘാത പഠനം കേന്ദ്ര അനുമതിയ്ക്കു ശേഷം മാത്രം, ഉത്തരവിറക്കി റവന്യൂവകുപ്പ്
പതിനൊന്ന് ജില്ലകളിലായി ഭൂമിയേറ്റെടുക്കല് നടപടികള്ക്ക് നിയോഗിച്ച 205 ഉദ്യോഗസ്ഥരെയാണ് തിരികെ വിളിപ്പിച്ചത്. രണ്ട് മാസം മുമ്പാണ് ഇവരുടെ കാലാവധി നീട്ടി നല്കിയത്.
സാമൂഹികാഘാത പഠനം തല്ക്കാലം നടത്തേണ്ടതില്ലെന്നും സര്ക്കാര് തീരുമാനിച്ചു. കേന്ദ്ര റെയില്വേ ബോര്ഡിന്റെ അന്തിമ അനുമതി ലഭിച്ച ശേഷം മതി മറ്റ് നടപടികളെന്നും ഉത്തരവില് പറയുന്നു. സില്വര് ലൈനില് നിന്നും ഒരു കാരണവശാലും പുറകോട്ടില്ലെന്നാണ് നേരത്തേ സര്ക്കാര് പറഞ്ഞിട്ടുണ്ടായിരുന്നത്.
അതേസമയം സംസ്ഥാനത്തിന്റെ സ്വപ്ന പദ്ധതിയെന്ന് വിശേഷിപ്പിച്ചാണ് ഇടത് സർക്കാർ സിൽവർ ലൈൻ പദ്ധതിയെ അവതരിപ്പിച്ചിരുന്നത്. ഭൂമിയേറ്റെടുക്കൽ സർവേ നടപടികളുമായി സർക്കാർ മുന്നോട്ട് പോയതോടെ എതിർപ്പുയർന്നു.
സംസ്ഥാനത്തിന്റെ പലയിടങ്ങളിലും പ്രതിഷേധം കത്തിപ്പടർന്നു. സ്ത്രീകളും കുട്ടികളും പദ്ധതിക്കെതിരെ തെരുവിലിറങ്ങിയെങ്കിലും പിൻമാറില്ലെന്ന നിലപാടിലായിരുന്നു മുഖ്യമന്ത്രി പിണറായി വിജയനും സർക്കാരും.
പ്രതിഷേധങ്ങൾ കണക്കിലെടുത്ത് അതിരടയാളമിടാൻ ഇനി ജിയോ ടാഗിംഗ് മതിയെന്ന് സര്ക്കാര് ഉത്തരവിറക്കി. ഇതിനിടക്ക് തൃക്കാക്കര ഇലക്ഷനിലേറ്റ തിരിച്ചടിയിൽ നിന്നും പാഠമുൾക്കൊണ്ട ഇടത് സർക്കാർ സിൽവർ ലൈൻ പദ്ധതി നടപടികളിൽ താൽക്കാലികമായി നിർത്തിവെച്ചു.
"
https://www.facebook.com/Malayalivartha
