പിണറായിക്കും കോൺഗ്രസിനും ഒരുപോലെ തിരിച്ചടിയായി ശശിതരൂർ. സംസ്ഥാനത്ത് പര്യടനത്തിനായി തരൂർ എത്തിയ ശേഷം ഒരു വിഭാഗം മുതിർന്ന നേതാക്കളടക്കം വിമർശനമുന്നയിക്കുമ്പോൾ, ശശി തരൂരിനെ പിന്തുണച്ച് കണ്ണൂരിൽ യൂത്ത് കോൺഗ്രസിന്റ പ്രമേയം.

ഇതിൽ അനാവശ്യ ഭ്രഷ്ട് ആത്മഹത്യാപരവും താൻ പോരിമയുമാണെന്നും ഭ്രഷ്ട് കൊണ്ട് നേതാവിന്റെ ജനപിന്തുണ ഇല്ലാതാകില്ലെന്നും പ്രമേയത്തിൽ പറയുന്നു. മാത്രമല്ല കാലത്തിന്റെ ചുവരെഴുത്ത് വായിക്കാൻ നേതാക്കൾ തയ്യാറാകണമെന്നും പറയുന്നു.

അതേസമയം പൊതുശത്രുവിനെതിരെയുള്ള പോരാട്ടത്തിന് ഉപകാരപ്പെടുന്നവർ മാറ്റിനിർത്തപ്പെടുകയാണെന്നും വ്യക്തമാക്കുന്നു. തരൂരിനെ സ്വീകരിച്ച കണ്ണൂരിലെ നേതൃത്വം അഭിനന്ദനം അർഹിക്കുന്നെന്നും, നേതാക്കളുടെ 'അമ്മാവൻ സിൻഡ്രോം' മാറണമെന്നും പ്രമേയത്തിലുണ്ട്.

നിലവിൽ മാടായിപ്പാറയിൽ നടക്കുന്ന ജില്ലാ നേതൃ ക്യാംപിലാണ് തരൂരിന് പിന്തുണ നൽകിയും കോൺഗ്രസ് സംസ്ഥാന നേതൃത്വത്തെ വിമർശിച്ചും യൂത്ത് കോൺഗ്രസ് പ്രമേയം അവതരിപ്പിച്ചത്. എന്നാൽ ഇതേസമയം തന്നെ കണ്ണൂരിൽ തരൂരിനുള്ള ജനസ്വീകാര്യത ഏറുമ്പോൾ പിണറയിയുടെയും നെഞ്ചിടിക്കുകയാണ്. സഖാക്കൾക്കും അത് താങ്ങാവുന്നതിലും അപ്പുറമാണ്. സിപിഎം കോട്ട തരൂർ തകർക്കുമോ എന്ന ഭയമാണ് ഇവർക്കുള്ളത്.