എംവി ഗോവിന്ദന് പിന്നാലെ കോൺഗ്രെസ്സിനെതിരെ സി പി എം നേതാവും പാർട്ടി കണ്ണൂർ ജില്ലാ സെക്രട്ടറിയുമായ എംവി ജയരാജന്‍. ഏക സിവില്‍കോഡ് വിഷയത്തില്‍ കോണ്‍ഗ്രസിനെതിരെ രൂക്ഷ വിമർശനമാണ് എംവി ജയരാജന്‍ നടത്തിയത്.

അതേസമയം ഏക സിവിൽകോഡ് നിയമം കൊണ്ടുവരാനായി ബിജെപി അംഗം കിരോഡിലാൽ മീണ രാജ്യസഭയിൽ സ്വകാര്യബിൽ അവതരിപ്പിച്ചപ്പോൾ എതിർക്കാൻ ഒറ്റ കോൺഗ്രസ് എം പിയും ഉണ്ടായിരുന്നില്ലെന്നും അദ്ദേഹം വ്യക്തമാക്കി.

മാത്രമല്ല കാവിമനസ്സുള്ള കോൺഗ്രസ്സിനെ സഹിക്കാൻ ലീഗിനാവില്ലെന്നും കോണ്‍ഗ്രസിന്റെ അസാന്നിദ്ധ്യം വേദനയുളവാക്കി എന്ന് ലീഗ് അംഗം പിവി അബ്ദുൾവഹാബിന് രാജ്യസഭയിൽ പറയേണ്ടിവന്നുവെന്നും അദേഹം പറഞ്ഞു.

നേരത്തെ ഏക സിവിൽകോഡ് നിയമം കൊണ്ടുവരാനായി ബിജെപി അംഗം കിരോഡിലാൽ മീണ രാജ്യസഭയിൽ സ്വകാര്യബിൽ അവതരിപ്പിച്ചപ്പോൾ എതിർക്കാൻ ഒറ്റ കോൺഗ്രസ് എം.പി.യും ഉണ്ടായിരുന്നിള്ള എന്നാണ് അദ്ദേഹം കുണ്ടിക്കാട്ടുന്നത്. എന്നാൽ ഇത് ഒറ്റപ്പെട്ട ഒരു സംഭവമല്ലെന്നും, കോൺഗ്രസ്സ് പതിയെ മൃദുഹിന്ദുത്വ സമീപനത്തിൽ നിന്നും തീവ്രഹിന്ദുത്വപാതയിലേക്ക് നീങ്ങുന്നതായി സംശയിക്കാൻ കഴിയുന്ന നിരവധി നിലപാടുകൾ സ്വീകരിച്ചതിന്റെ തുടർച്ചയാണിതെന്നും ജയരാജൻ കുറ്റപ്പെടുത്തി.

അതേസമയം കഴിഞ്ഞ ദിവസം മുസ്ലീം ലീഗിനെ ഇടത് മുന്നണിയിലേക്ക് ക്ഷണിച്ചിട്ടില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍ പറഞ്ഞിരുന്നു. എന്നാല്‍ ആര്‍ക്ക് മുന്നിലും എല്‍ഡിഎഫിന്റെ വാതിലുകള്‍ അടച്ചിട്ടിട്ടില്ലെന്നും എംവി ഗോവിന്ദന്‍ മാധ്യമങ്ങളോട് പ്രതികരിച്ചു. ഇതിനു പിന്നാലെ ലീഗ് അംഗങ്ങളും കോൺഗ്രസ്സും അടക്കം വിമർശനവുമായി എത്തി. ഇതിനു പിന്നാലെയാണ് ജയരാജന്റെ വിമർശനം. സഖാക്കൾ ഇത്തരത്തിൽ വിമർശനം ഉന്നയിക്കുമ്പോൾ പിണറായി ആണ് വെട്ടിലാവുന്നത്.