കോഴിക്കോട് 25 ലക്ഷം രൂപ ട്രെയിനിൽ കടത്താൻ ശ്രമിച്ച ഒരാൾ പിടിയിൽ. മതിയായ രേഖകളില്ലാതെ ട്രെയിനിൽ കടത്താൻ ശ്രമിക്കുമ്പോഴാണ് ഒരാൾ ആർപിഎഫിന്റെ പിടിയിലാകുന്നത്. സംഭവത്തിൽ വേങ്ങര സ്വദേശി മുഹമ്മദിൽ നിന്നാണ് പണം പിടികൂടിയത്. ഇയാളുടെ അറസ്റ്റ് രേഖപ്പെടുത്തി.

അതേസമയം നാഗർ കോവിൽ – മംഗലാപുരം ഏറനാട് എക്സ്പ്രസിൽ എത്തിയ യാത്രക്കാരനിൽ നിന്ന് ആർപിഎഫ് കോഴിക്കോട്ട് വെച്ചാണ് പണം പിടികൂടിയത്. എന്നാൽ നാഗർകോവിൽ – മംഗലാപുരം എക്സ്പ്രസ് ജനറൽ കമ്പാർട്ട്മെന്റിലെ യാത്രക്കാരനായ മുഹമ്മദിനെ കണ്ട് സംശയം തോന്നുകയും, തുടർന്ന് ആർപിഎഫ് ഇയാളെ പരിശോധിക്കുകയായിരുന്നു.

എന്നാൽ പാന്‍റ്സിന്‍റെ അര ഭാഗത്ത് തുണി കൊണ്ട് പ്രത്യേക അറ ഉണ്ടാക്കി അതിനുള്ളിൽ ഒളിപ്പിച്ച നിലയിലായിരുന്നു പണം വെച്ചത്. സംഭവത്തിന് പിന്നാലെ വിദേശത്തുള്ള സുഹൃത്ത് കൊടുത്തയച്ചതാണ് പണമെന്നാണ് മുഹമ്മദ് ആർപിഎഫിന് നൽകിയ മൊഴി. നിലവിൽ കസ്റ്റഡിയിലെടുത്ത മുഹമ്മദിനെ കൂടുതല്‍ ചോദ്യം ചെയ്ത് വരികയാണെന്നാണ് പറയുന്നത്.

ഇതിനു പിന്നാലെ പണം പിടികൂടിയ വിവരം ആദായ നികുതി ഉദ്യോഗസ്ഥരെ ആര്‍പിഎഫ് അറിയിച്ചു. തുടർന്ന് വിശദമായ അന്വേഷണത്തിലെ പണത്തിന്‍റെ ഉറവിടം കണ്ടെത്താനാവൂ എന്ന് ആര്‍പിഎഫ് ഉദ്യോഗസ്ഥര്‍ അറിയിച്ചു.