27മത് അന്താരാഷ്ട്ര ചലച്ചിത്രമേളക്ക് തിരിതെളിഞ്ഞത് നിലപാടിന്റെ രാഷ്ട്രീയം പങ്കു വച്ചു കൊണ്ടാണ്. താൻ അനുഭവിച്ച വേദനകളുടേയും പീഡാനുഭവങ്ങളുടേയും പ്രതീകമായി മുറിച്ചു നൽകിയ മുടിയുമായി ഇറാൻ സംവിധായിക മഹ്നാസ് മുഹമ്മദിയുടെ സന്ദേശം ഗ്രീക്ക് സംവിധായികയും ജൂറി അംഗവുമായ അതീന റേച്ചൽ വായിക്കുമ്പോൾ സദസാകെ അതേറ്റ് ചെല്ലുകയായിരുന്നു. ഐ എഫ് എഫ് കെ വിശേഷം പങ്കു വച്ച് മേയർ ആര്യ രാജേന്ദ്രൻ . ഫേസ്ബുക്ക് പോസ്റ്റ് ഇങ്ങനെ; 27മത് അന്താരാഷ്ട്ര ചലച്ചിത്രമേളക്ക്

തിരിതെളിഞ്ഞത് നിലപാടിന്റെ രാഷ്ട്രീയം പങ്കുവച്ചുകൊണ്ടാണ്. താൻ അനുഭവിച്ച വേദനകളുടേയും പീഡാനുഭവങ്ങളുടേയും പ്രതീകമായി മുറിച്ചു നൽകിയ മുടിയുമായി ഇറാൻ സംവിധായിക മഹ്നാസ് മുഹമ്മദിയുടെ സന്ദേശം ഗ്രീക്ക് സംവിധായികയും ജൂറി അംഗവുമായ അതീന റേച്ചൽ വായിക്കുമ്പോൾ സദസാകെ അതേറ്റ് ചെല്ലുകയായിരുന്നു ..... കൃത്യമായി പറഞ്ഞാൽ ഇറാൻ സ്ത്രീ പോരാളികൾക്ക് തിരുവനന്തപുരം പിന്തുണ പ്രഖ്യാപിക്കുകയായിരുന്നു എന്നു വേണം പറയാൻ ....

ഈ ദിവസം നാമെല്ലാവരും ഒരുമിച്ച്‌ നീതിക്കുവേണ്ടി നിലകൊള്ളുന്നുവെന്നതിനാലാണ്‌ ഞാനി സന്ദേശം അയക്കുന്നത്‌ എന്നായിരുന്നു മഹ്നാസിന്റെ സന്ദേശത്തിൽ അവസാനം പറഞ്ഞു വയ്ക്കുന്നത്.അതെ നമ്മൾ ഓരോരുത്തരും മഹ്നാസിനോട് ഐക്യപെടേണ്ടതായിട്ടുണ്ട്.... ചലച്ചിത്ര മേളയിൽ സ്‌പിരിറ്റ്‌ ഓഫ്‌ സിനിമാപുരസ്‌കാരം ഏറ്റുവാങ്ങാൻ തിരുവനന്തപുരത്ത് എത്തേണ്ടതായിരുന്നു അവർ.

ഇംഗ്ലണ്ടിൽ എത്തിയെങ്കിലും ഇറാൻ യാത്രാവിലക്ക്‌ ഏർപ്പെടുത്തിയതിനാൽ മഹ്‌നാസിന്‌ ഇന്ത്യയിലേക്ക്‌ വരാനായില്ല.എന്നാൽ തന്റെ അസാന്നിധ്യത്തിലും സ്വന്തം മുടി മുറിച്ച് നൽകി മഹ്‌നാസ് ഭരണകൂട ഭീകരതക്കെതിരെ മറുപടി നൽകി മേളയിൽ തന്റെ സാന്നിധ്യമറിയിക്കുകയായിരുന്നു .... പ്രീയപ്പെട്ട മഹ്നാസ് മുന്നേറുക..... സ്ത്രീ ജീവിതം സ്വാതന്ത്ര്യം ...... അനന്തപുരിയുടെ രാപ്പകലുകൾക്ക് ഇനി ഉത്സവ ലഹരിയാണ്... എല്ലാ ആശംസകളും . നമുക്കൊരുമിച്ച് മേളയെ ഒരുത്സവമാക്കാം ......