നാഗ്പൂരില് നിന്ന് ബിലാസ്പൂര് വരെ, ആറാമത് വന്ദേഭാരത് എക്സ്പ്രസ് രാജ്യത്തിന് സമര്പ്പിച്ച് പ്രധാനമന്ത്രി, ടിക്കറ്റെടുത്ത് വിദ്യാര്ത്ഥികള്ക്കും മറ്റ് യാത്രക്കാര്ക്കുമൊപ്പം മെട്രോയിലും സഞ്ചരിച്ചു...!
രാജ്യത്തെ ആറാമത്തെ വന്ദേഭാരത് എക്സ്പ്രസ് പ്രധാനമന്ത്രി നരേന്ദ്ര മോദി രാജ്യത്തിന് സമര്പ്പിച്ചു. മഹാരാഷ്ട്രയിലെ നാഗ്പൂരില് നിന്ന് ഛത്തീസ്ഗഡിലെ ബിലാസ്പൂര് വരെയാണ് ഇതിന്റെ സഞ്ചാരപാത. വിവിധ വികസന പദ്ധതികളുടെ ഉദ്ഘാടനത്തിനായാണ് പ്രധാനമന്ത്രി നാഗ്പൂരിലെത്തിയത്. കേന്ദ്ര മന്ത്രി നിതിന് ഗഡ്കരി, ഗവര്ണര് ഭഗത് സിംഗ് കോശ്യാരി, മുഖ്യമന്ത്രി ഏക്നാഥ് ഷിന്ഡെ, ഉപമുഖ്യമന്ത്രി ദേവേന്ദ്ര ഫഡ്നാവിസ് എന്നിവര് ചേര്ന്നാണ് അദ്ദേഹത്തെ സ്വീകരിച്ചത്.
നാഗ്പൂര് മെട്രോ റെയില് പദ്ധതിയുടെ ആദ്യ ഘട്ടവും അദ്ദേഹം ഉദ്ഘാടനം ചെയ്തു. തുടര്ന്ന് ടിക്കറ്റെടുത്ത് വിദ്യാര്ത്ഥികള്ക്കും മറ്റ് യാത്രക്കാര്ക്കുമൊപ്പം പ്രധാനമന്ത്രി മെട്രോയില് സഞ്ചരിച്ചു. ഫ്രീഡം പാര്ക്കില് നിന്ന് ഖാപ്രിയിലേക്കുള്ള മെട്രോ സവാരിയില് ഒപ്പം സഞ്ചരിച്ച വിദ്യാര്ത്ഥികളുമായി പ്രധാനമന്ത്രി ആശയവിനിമയം നടത്തി. 6700 കോടി രൂപ ചിലവില് വികസിപ്പിക്കുന്ന റെയില് പദ്ധതിയുടെ രണ്ടാം ഘട്ടത്തിന്റെ തറക്കല്ലിടലും പ്രധാനമന്ത്രി നിര്വഹിച്ചു.
https://www.facebook.com/Malayalivartha
