കുവൈത്തില് കർശന പരിശോധന; 142 സ്വദേശികള് വ്യാജ സര്വകലാശാല ബിരുദം നേടിയതായി കണ്ടെത്തൽ
കുവൈത്തില് നടത്തിയ കർശന പരിശോധനയില് 142 സ്വദേശികള് വ്യാജ സര്വകലാശാല ബിരുദം നേടിയതായി കണ്ടെത്തിയിരിക്കുകയാണ് . ഈജിപ്ഷ്യന് സര്വകലാശാലകളില് നിന്ന് സ്വദേശികളായ ഇവര് വ്യാജ ബിരുദങ്ങള് നേടിയെന്നാണ് കണ്ടെത്തല്.
അതോടൊപ്പം തന്നെ ഈജിപ്തിലെ കുവൈത്ത് സാംസ്കാരിക ഓഫീസിലെ ചില ജീവനക്കാരുടെ സഹായത്തോടെയാണ് ഇവര് വ്യാജ ബിരുദങ്ങള് കരസ്ഥമാക്കിയതെന്ന് അല് ജരീദ ദിനപ്പത്രം റിപ്പോര്ട്ട് ചെയ്യുകയുണ്ടായി. ദേശീയ അസംബ്ലിയിലെ അന്വേഷണ കമ്മറ്റിയാണ് വ്യാജ ബിരുദങ്ങള് കണ്ടെത്തിയത്. 500 ദിനാര് മുടക്കിയാണ് ഓരോ വ്യാജ ബിരുദവും നേടിയതെന്നും വ്യക്തമായിരുന്നു.
ഇതേതുടര്ന്ന് നടത്തിയ അന്വേഷണത്തില് കുവൈത്തില് ജോലി ചെയ്യുന്ന ഒരു പ്രവാസിയാണ് വ്യാജ സര്ട്ടിഫിക്കറ്റുകള് നേടാന് ഇവരെ സഹായിച്ചതെന്നും കണ്ടെത്തിയിരിക്കുകയാണ്. ഇയാളെ സെക്യൂരിറ്റി അധികൃതര് അറസ്റ്റ് ചെയ്യുകയുണ്ടായി. ഇയാള് ഇപ്പോള് തടവിലാണ്. പ്രതിക്ക് 50-60 വര്ഷത്തേക്ക് തടവുശിക്ഷ വിധിക്കുമെന്നാണ് വിവരം നൽകിയത്.
https://www.facebook.com/Malayalivartha
