മുല്ലപ്പെരിയാന്‍ അണക്കെട്ടിലെ ജലനിരപ്പ് 141 അടിയിലെത്തി. ഇതേതുടര്‍ന്ന് തമിഴ്‌നാട് രണ്ടാംഘട്ട മുന്നറിയിപ്പ് കേരളത്തിന് നല്‍കി. രാവിലെ ഏഴുമണിക്ക് പുറത്തുവിട്ട കണക്ക് പ്രകാരം 141.05 അടിയാണ് നിലവിലെ ജലനിരപ്പ്.

142 അടിയാണ് അണക്കെട്ടിന്റെ അനുവദനീമായ പരമാവധി സംഭരണശേഷി. അണക്കെട്ടിന്റെ വൃഷ്ടിപ്രദേശത്ത് മഴ കൂടിയതും നീരൊഴുക്ക് വര്‍ധിച്ചതുമാണ് ജലനിരപ്പ് ഉയരാന്‍ കാരണം. സെക്കന്‍ഡിന്‍ 4261 ഘനയടി വെള്ളമാണ് അണക്കെട്ടിലേക്ക് ശരാശരി ഒഴുകിയെത്തുന്നത്. ഇതില്‍ 511 ഘനയടി വെള്ളം മാത്രമാണ് ടണല്‍ വഴി തമിഴ്‌നാട് വൈഗ ഡാമിലേക്ക് കൊണ്ടുപോകുന്നത്.

ജലനിരപ്പ് ഉയരുന്ന പശ്ചാത്തലത്തില്‍ പെരിയാര്‍ തീരത്ത് ജാഗ്രതാ നിര്‍ദേശം നല്‍കി. ജലനിരപ്പ് 142 അടിയില്‍ എത്തുന്നതോടെ സ്പില്‍വേ ഷട്ടറുകള്‍ ഉയര്‍ത്തി വെള്ളം ഒഴുക്കി കളയാനുള്ള നടപടികളിലേക്ക് കടക്കും അധികൃതര്‍ .