ചാൻസിലർ സ്ഥാനത്ത് നിന്നും ഗവർണറെ മാറ്റുന്ന ബിൽ പാസ്സാക്കിയതിന് പിന്നാലെ വീണ്ടും ഗവർണറെ വെട്ടി സർക്കാരിന്റെ ചടുലമായ നീക്കം. ഗവർണർക്കെതിരെയുള്ള നീക്കങ്ങൾ ശക്തമാക്കിയിരിക്കുകയാണ് എന്ന് തന്നെ നമുക്ക് അനുമാനിക്കേണ്ടിയിരിക്കുന്നു. ഇപ്പോൾ ഇതാ ബജറ്റ് സമ്മേളനത്തിൽ നിന്നും ഗവർണറുടെ നയപ്രഖ്യാപനപ്രസംഗം ഒഴിവാക്കിയിരിക്കുകയാണ് സർക്കാർ. ഇന്ന് ഈ വിഷയത്തിൽ ക്യാബിനറ്റ് യോഗം ചേർന്നിരുന്നു. നിർണായകമായ തീരുമാനങ്ങളാണ് എടുത്തിരിക്കുന്നത് .

നിയമസഭാ അനിശ്ചിതമായി പിരിഞ്ഞുവെന്ന കാര്യം ഔദ്യോഗികമായി ഗവർണറെ അറിയിക്കേണ്ടതില്ലെന്നാണ് ക്യാബിനറ്റ് യോഗത്തിന്റെ തീരുമാനം . കഴിഞ്ഞ ദിവസം നിയമസഭാ സമ്മേളനം അവസാനിച്ചിരുന്നു . ഇതിന്റെ തുടർച്ച അടുത്തമാസം ഉണ്ടാകും.. ഗവർണറുടെ നയപ്രഖ്യാപന പ്രസംഗം പുതുവർഷത്തിലെ സമ്മേളനത്തിൽ ഉണ്ടാകില്ല. നിയമസഭാ അവസാനിക്കുമ്പോൾ അപ്പോൾ തന്നെ ക്യാബിനറ്റ് യോഗം ചേർന്ന് അനിശ്ചിതകാലത്തേക്ക് പിരിയുന്നതായി സ്പീക്കർ വഴി ഗവർണറെ അറിയിച്ച് വിജ്ഞാപനമിറക്കണം .

ഇതാണ് സാധാരണ നടക്കാറുള്ളത്. എന്നാൽ ആ പതിവ് തെറ്റിച്ച്‌ ഇത് ഉണ്ടാകാത്തപ്പോൾ തന്നെ ഗവർണറുടെ നയപ്രഖ്യാപനപ്രസംഗം ഒഴിവാക്കാനുള്ള സർക്കാരിന്റെ നീക്കമാണ് ഇപ്പോൾ നടക്കുന്നത്. പതിനഞ്ചാം കേരള നിയമസഭയുടെ ഏഴാം സമ്മേളനം അനിശ്ചിത കാലത്തേക്ക് പിരിഞ്ഞു എന്ന കാര്യം ഗവർണറെ അറിയിക്കില്ല എന്ന തീരുമാനത്തിലേക്ക് തന്നെ എത്തിയിരിക്കുകയാണ് സർക്കാർ. ഇപ്പോൾ കഴിഞ്ഞ സമ്മേളനത്തിന്റെ തുടർച്ചയായി അടുത്തമാസം വീണ്ടും ചേരാൻ സാധിക്കും എന്നതും ശ്രദ്ധേയമായ കാര്യമാണ്.

ജനുവരി 27ന് ബജറ്റ് അവതരിപ്പിച്ചു കൊണ്ട് ബജറ്റ് സമ്മേളനം തുടങ്ങുമെന്നാണ് ഇന്നെടുത്ത തീരുമാനം. ഗവർണറുടെ നയപ്രഖ്യാപന പ്രസംഗം വെട്ടിക്കൊണ്ടുള്ള സർക്കാരിന്റെ പുതിയ തീരുമാനം അക്ഷരാർത്ഥത്തിൽ നടുക്കുന്നത് തന്നെയാണ്. ഇന്ന് ഗവർണർ നടത്തുന്ന ക്രിസ്മസ് വിരുന്നിന് മുഖ്യമന്ത്രിമാരും മന്ത്രിമാരും പങ്കെടുക്കില്ല. അതിനു കഴിഞ്ഞ ദിവസം ഗവർണറെ ചാൻസിലർ സ്ഥാനത്ത് നിന്നും നീക്കുന്ന ബിൽ പാസ്സാക്കി.

അതിനു പിന്നാലെയാണ് ബജറ്റ് സമ്മേളനത്തിൽ നിന്നും ഗവർണറുടെ നയപ്രഖ്യാപനപ്രസംഗം ഒഴിവാക്കിയ തീരുമാനമെടുത്തിരിക്കുന്നത്. സാധാരണ പുതുവർഷത്തിലെ ആദ്യ ലെജിസ്ലേറ്റീവ് അസംബ്ലി തുടങ്ങേണ്ടത് നയപ്രഖ്യാപന പ്രസംഗത്തോടെയായിരിക്കണം. ലെജിസ്ലേറ്റീവ് അസംബ്ലി പിരിയുന്നതായി ക്യാബിനെറ്റ് ശുപാർശ ചെയ്യാതിരുന്നാൽ പിന്നെ സമ്മേളിച്ചാലും പഴയ സമ്മേളനത്തിൻെറ തുടർച്ചയായി തന്നെയാണ് കണക്കാക്കുന്നത്. ഗവർണറെ സ്ഥിരമായി മാറ്റിനിർത്താൻ സാധിക്കില്ല. പുതിയ വർഷം എപ്പോൾ സമ്മേളനം ചേർന്നാലും ഗവർണറുടെ നയപ്രഖ്യാപന പ്രസംഗം വേണ്ടിവരും എന്നതാണ് വെല്ലുവിളി .