സ്ത്രീ വിരുദ്ധ പരാമർശം നടത്തിയ നടനെതിരെ വിമർശനം കടുക്കുന്നു. സ്ത്രീ വിരുദ്ധ പരാമർശം നടത്തിയ നടന് നേരെ ചെരുപ്പേറു നടത്തി പ്രതിഷേധിക്കുകയാണ് ജനങ്ങൾ. സംഭവത്തിൽ കന്നട നടൻ ദർശന് നേരെയാണ് ജനങ്ങൾ ചെരുപ്പെറിഞ്ഞത്. മാത്രമല്ല ദർശന്റെ പുതിയ ചിത്രമായ ക്രാന്തിയുടെ പ്രൊമോഷൻ പരിപാടിയിൽ പങ്കെടുക്കുന്നതിനിടെയാണ് സംഭവം നടന്നത്.

അതേസമയം പുതിയ സിനിമയുടെ പ്രൊമോഷന്റെ ഭാഗമായി നൽകിയ ഇന്റർവ്യൂവിൽ ദർശൻ സത്രീ വിരുദ്ധ പരാമർശം നടത്തുകയായിരുന്നു. ഭാഗ്യദേവത എല്ലായ്‌പ്പോഴും വാതിലിൽ മുട്ടണമെന്നില്ലെന്നും, അവൾ മുട്ടുമ്പോൾ അവളെ ബലമായി കിടപ്പുമുറിയിലേക്ക് വലിച്ചിഴയ്ക്കണമെന്നും തുടർന്ന് നഗ്നയാക്കണെമെന്നുമാണ് ദർശൻ പറഞ്ഞത്.

കൂടാതെ അവൾക്ക് വസ്ത്രങ്ങൾ നൽകിയാൽ അവൾ പുറത്തുപോകുമെന്നും ദർശൻ അഭിമുഖത്തിൽ പറഞ്ഞിരുന്നു. തുടർന്ന് ഈ സ്ത്രീ വിരുദ്ധ പരാമർശങ്ങൾ വലിയ വിവാദങ്ങൾക്ക് ഇടയാക്കിയിരുന്നു. സംഭവത്തിന് പിന്നാലെ നിരവധി പേർ ദർശനെതിരെ രംഗത്തെത്തുകയായിരുന്നു. സംഭവത്തിൽ താരം മാപ്പ് പറയണമെന്നാണ് പ്രതിഷേധക്കാർ പറയുന്നത്.