ഗവര്ണറെ ക്ഷണിക്കാതെ..... മുഖ്യമന്ത്രി ഒരുക്കുന്ന ക്രിസ്മസ് വിരുന്നിന് ഗവര്ണര്ക്ക് ക്ഷണമില്ല.... സര്ക്കാര്-ഗവര്ണര് പോരിനിടെ ഇന്ന് ഉച്ചക്ക് മസ്കറ്റ് ഹോട്ടലിലാണ് വിരുന്ന്
മുഖ്യമന്ത്രി ഒരുക്കുന്ന ക്രിസ്മസ് വിരുന്നിന് ഗവര്ണര്ക്ക് ക്ഷണമില്ല. സര്ക്കാര്-ഗവര്ണര് പോരിനിടെ ഇന്ന് ഉച്ചക്ക് മസ്കറ്റ് ഹോട്ടലില് നടക്കുന്ന വിരുന്നിലേക്കാണ് ഗവര്ണര് ആരിഫ് മുഹമ്മദ് ഖാനെ മുഖ്യമന്ത്രി പിണറായി വിജയന് ക്ഷണിക്കാതിരുന്നത്. ഗവര്ണറും സര്ക്കാരും തമ്മിലെ തുറന്ന പോരിനിടെയാണ് ക്രിസ്മസ് വിരുന്ന്.
നേരത്തെ രാജ്ഭവനില് ഒരുക്കിയ ക്രിസ്മസ് വിരുന്നിലേക്ക് മുഖ്യമന്ത്രിയ്ക്കും മന്ത്രിമാര്ക്കും ക്ഷണമുണ്ടായിരുന്നുവെങ്കിലും ആരും പങ്കെടുത്തിരുന്നില്ല.
ഡിസംബര് 14 ന് ഒരുക്കിയ ക്രിസ്തുമസ് വിരുന്നിലേക്ക് ഗവര്ണര് മുഖ്യമന്ത്രിയേയും മന്ത്രിമാരേയും പ്രതിപക്ഷ നേതാവിനെയും ക്ഷണിച്ചിരുന്നെങ്കിലും എല്ലാവരും ക്ഷണം നിരസിച്ചിരുന്നു.
അതേസമയം മുഖ്യമന്ത്രിയുടെ വിരുന്നുകള്ക്ക് സാധാരണനിലയില് ഗവര്ണര്മാരെ ക്ഷണിക്കുന്ന പതിവില്ല. കഴിഞ്ഞ റംസാന് കാലത്ത് നടത്തിയ ഇഫ്താര് വിരുന്നിലും ഗവര്ണറെ ക്ഷണിച്ചിരുന്നില്ല. എന്നാല്, ജസ്റ്റിസ് പി. സദാശിവം ഗവര്ണറായിരുന്ന കാലത്ത് മുഖ്യമന്ത്രിയുടെ വിരുന്നുകളിലേക്ക് അദ്ദേഹത്തിന് ക്ഷണമുണ്ടായിരുന്നു
"
https://www.facebook.com/Malayalivartha
