അപ്രതീക്ഷിത ദുരന്തം..... ബന്ധുവിന്റെ മരണാനന്തര ചടങ്ങില് പങ്കെടുത്ത ശേഷം മടങ്ങുകയായിരുന്ന ദമ്പതികള് സഞ്ചരിച്ച കാറും സ്വകാര്യബസും കൂട്ടിയിടിച്ച് നാലു പേര്ക്ക് ദാരുണാന്ത്യം, അപകടത്തില് കാറിന്റെ മുന്ഭാഗം പൂര്ണമായും തകര്ന്നു, രക്ഷാപ്രവര്ത്തനം നടത്തിയവര് കാര് വെട്ടിപ്പൊളിച്ചാണ് എല്ലാവരെയും പുറത്തെടുത്തത്
അപ്രതീക്ഷിത ദുരന്തം..... ബന്ധുവിന്റെ മരണാനന്തര ചടങ്ങില് പങ്കെടുത്ത ശേഷം മടങ്ങുകയായിരുന്ന ദമ്പതികള് സഞ്ചരിച്ച കാറും സ്വകാര്യബസും കൂട്ടിയിടിച്ച് നാലു പേര്ക്ക് ദാരുണാന്ത്യം
തൃശൂര് സെന്റ് തോമസ് കോളേജ് റിട്ട. പ്രൊഫസര് എല്ത്തുരുത്ത് കപ്പേളയ്ക്ക് സമീപത്തായി പുളിക്കല് വിന്സണ് (64), ഭാര്യ അരിമ്പൂര് ഗവ.യുപി സ്കൂള് റിട്ട. അദ്ധ്യാപിക മേരി (60), വിന്സണിന്റെ സഹോദരന് മണലൂര് പടിഞ്ഞാറ് രാജീവ് നഗറില് പുളിക്കല് ജോസഫ് (68), ഇവരുടെ സഹോദരീ ഭര്ത്താവ് എറവ് കപ്പല്പള്ളിക്ക് സമീപം പൊറത്തൂര് പള്ളിക്കുന്നത്ത് തോമസ് (69) എന്നിവരാണ് മരിച്ചത്. ഇന്നലെ ഉച്ചയ്ക്ക് ഒന്നോടെ എറവ് ടി.എഫ്.എം സ്കൂളിന് മുമ്പിലായിരുന്നു അപകടം നടന്നത്.
നിയന്ത്രണം വിട്ട കാര് റോഡിന്റെ മറുവശത്തേക്ക് കയറി തൃശൂരില് നിന്നും വാടാനപ്പിള്ളി ബീച്ചിലേക്ക് പോകുന്ന തരകന്സ് എന്ന സ്വകാര്യ ബസില് ഇടിക്കുകയായിരുന്നു.
മരണാനന്തര ചടങ്ങില് പങ്കെടുത്ത ശേഷം തൃശൂര് പടിഞ്ഞാറേക്കോട്ട സെന്റ് ആന്സ് പള്ളിയില് വിവാഹച്ചടങ്ങില് പങ്കെടുക്കാന് പോകുകയായിരുന്നു എല്ലാവരും. അപകടം നടന്നയുടന് ഓടിക്കൂടിയ നാട്ടുകാര് രക്ഷാപ്രവര്ത്തനം നടത്തിയെങ്കിലും ജീവന് രക്ഷിക്കാനായില്ല. അപകടത്തില് കാറിന്റെ മുന്ഭാഗം പൂര്ണമായും തകര്ന്നു.
രക്ഷാപ്രവര്ത്തനം നടത്തിയവര് കാര് വെട്ടിപ്പൊളിച്ചാണ് എല്ലാവരെയും പുറത്തെടുത്തത്. രണ്ടുപേരുടെ മൃതദേഹങ്ങള് തൃശൂരിലെ സ്വകാര്യ ആശുപത്രിയിലും മറ്റ് രണ്ട് പേരുടെ മൃതദേഹങ്ങള് ജില്ലാ ആശുപത്രിയിലും സൂക്ഷിച്ചിരിക്കുന്നു. ഇന്ന് പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.
"
https://www.facebook.com/Malayalivartha
