കണ്ണീരടക്കാനാവാതെ.... അലക്കുന്നതിനിടെ പുഴയിലേക്ക് കാല്വഴുതി വീണ പ്ലസ് ടു വിദ്യാര്ത്ഥിനി മുങ്ങി മരിച്ചു
കണ്ണീരടക്കാനാവാതെ.... അലക്കുന്നതിനിടെ പുഴയിലേക്ക് കാല്വഴുതി വീണ പ്ലസ് ടു വിദ്യാര്ത്ഥിനി മുങ്ങി മരിച്ചു. വയനാട് പുല്പ്പള്ളി പ്രിയദര്ശിനി കോളനിയിലെ ആദിത്യയാണ് മരിച്ചത്. ചേകാടി പുഴയില് വെച്ചാണ് അപകടമുണ്ടായത്. അലക്കുന്നതിനിടെ പുഴയിലേക്ക് കാല്വഴുതി വീണെന്നാണ് വിവരം. പുല്പ്പള്ളി വിജയ ഹയര് സെക്കന്ററി സ്കൂളിലെ വിദ്യാര്ത്ഥിയാണ് ആദിത്യ.
ചേകാടി പമ്പ്ഹൗസിനടുത്ത് ശനിയാഴ്ച വൈകുന്നേരം നാലോടെയാണ് അപകടമുണ്ടായത്. കുടുംബാംഗങ്ങളോടൊപ്പം അലക്കുന്നതിനായി ചേകാടി പുഴയില് പോയതായിരുന്നു.
തമിഴ്നാട്ടുകാരായ സുമേഷ്-ശാന്തി ദമ്പതികളുടെ മകളാണ്. പുല്പള്ളി വിജയ ഹയര് സെക്കന്ഡറി സ്കൂള് പ്ലസ്ടു വിദ്യാര്ഥിനിയാണ്. സഹോദരങ്ങള്: ദുഖനേഷ്, അഖിലേഷ്.
അതേസമയം ഡിസംബര് 24ന് ആലപ്പുഴയില് എന്ജിനീയറിങ് വിദ്യാര്ഥി പുഴയില് മുങ്ങി മരിച്ചിരുന്നു. തൃക്കുന്നപ്പുഴ (ഷഹീം മന്സില് ) കൊന്നപ്പറമ്പില് വടക്കതില് ഹാരിസ് - ജെസ്നി ദമ്പതികളുടെ മകന് ഹാനി ഹാരിസ് ( ഇജാസ് 18) ആണ് മരിച്ചത്.
കൂട്ടുകാരോടൊപ്പം ആറ്റില് കുളിക്കാന് ഇറങ്ങിയപ്പോഴാണ് ദാരുണ മരണം സംഭവിച്ചത്.വെള്ളിയാഴ്ച വൈകിട്ട് നാല് മണിയോടെ കൊല്ലം- ആലപ്പുഴ ജലപാതയില് തൃക്കുന്നപ്പുഴ സ്പില്വേക്ക് സമീപത്തുള്ള കടവില് നിന്നും മറുകരയിലേക്ക് നീന്തുന്നതിനിടയില് ഹാനി ഹാരിസ് മുങ്ങി താഴുകയായിരുന്നു. കൂട്ടുകാര് നീന്തി രക്ഷപ്പെട്ടു. നാട്ടുകാര് ഓടിയെത്തി ഹാനിയെ കരയ്ക്കെത്തിച്ചെങ്കിലും മരണം സംഭവിച്ചിരുന്നു.
"
https://www.facebook.com/Malayalivartha
