തിരുവല്ലയിൽ ഉണ്ടായ വാഹനാപകടത്തിൽ രണ്ടു യുവാക്കൾക്ക് ദാരുണാന്ത്യം. ടാങ്കർ ലോറിക്ക് പിന്നിൽ ബൈക്ക് ഇടിച്ചുണ്ടായ അപകടത്തിൽ കുന്നന്താനം അരുൺ നിവാസിൽ അരുൺ (29), ചിങ്ങവനം പുലരിക്കുന്ന വീട്ടിൽ ശ്യാം (28) എന്നിവരാണ് മരിച്ചത്. കഴിഞ്ഞ ദിവസം ബൈപാസിലെ ചിലങ്ക ജംങ്ഷനിൽ ആയിരുന്നു അപകടം.

കഴിഞ്ഞ ദിവസം അർധരാത്രി 12 മണിയോടെയായിരുന്നു അപകടം നടന്നത്. അപകടത്തെ തുടർന്ന് ഗുരുതരമായി പരുക്കേറ്റ ഇരുവരെയും ഉടനെ തന്നെ തിരുവല്ലയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചു. മൃതദേഹങ്ങൾ മോർച്ചറിയിലേക്ക് മാറ്റി.

ഇതേസമയം തന്നെ ഏനാത്ത് പൊലീസ് സ്റ്റേഷന് സമീപം മറ്റൊരു അപകടം കൂടി സംഭവിച്ചിരുന്നു. ഇലമങ്കലം സ്വദേശി തുളസീധരനാണ് മരിച്ചത്. യാത്രയ്ക്കിടെ ഇരുചക്രവാഹനം നിയന്ത്രണം വിട്ട് പോസ്റ്റിലിടിച്ചായിരുന്നു തുളസീധരന്‍ മരിച്ചത്.