ജയ ജയ ജയ ജയഹേ കണ്ട് തിരിച്ചും മറിച്ചും അഭിപ്രായങ്ങൾ പറഞ്ഞോണ്ടിരിക്കുന്നവർക്കിടയിലേക്ക് സ്പോയിലറുകളുണ്ട് എന്ന വാണിംഗോടെ ഈ പടം രണ്ട് തവണ തീയറ്ററിലും ഒരു തവണ ഒടിടിയിലും കണ്ട എൻ്റെ വക അമ്പത് പൈസ; തുറന്നടിച്ച് ഡോക്ടർ ഷിംന അസീസ്
ജയ ജയ ജയ ജയഹേ കണ്ട് തിരിച്ചും മറിച്ചും അഭിപ്രായങ്ങൾ പറഞ്ഞോണ്ടിരിക്കുന്നവർക്കിടയിലേക്ക് സ്പോയിലറുകളുണ്ട് എന്ന വാണിംഗോടെ ഈ പടം രണ്ട് തവണ തീയറ്ററിലും ഒരു തവണ ഒടിടിയിലും കണ്ട എൻ്റെ വക അമ്പത് പൈസ... തുറന്നടിച്ച് ഡോക്ടർ ഷിംന. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;
ജയ ജയ ജയ ജയഹേ കണ്ട് തിരിച്ചും മറിച്ചും അഭിപ്രായങ്ങൾ പറഞ്ഞോണ്ടിരിക്കുന്നവർക്കിടയിലേക്ക് സ്പോയിലറുകളുണ്ട് എന്ന വാണിംഗോടെ ഈ പടം രണ്ട് തവണ തീയറ്ററിലും ഒരു തവണ ഒടിടിയിലും കണ്ട എൻ്റെ വക അമ്പത് പൈസ... J4H ആദ്യാവസാനം ഏറെ അസ്വസ്ഥത പകർന്ന സിനിമയാണ്. അജുവിൻ്റെ പാരലൽ കോളേജ് അധ്യാപകനെ കണ്ടപ്പോൾ സ്ത്രീസ്വാതന്ത്ര്യം കർണകഠോരമായി പ്രസംഗിക്കുകയും ദുരനുഭവമുള്ള സ്ത്രീകളിൽ ആരെയെങ്കിലും സഹായിക്കേണ്ടി വരുമ്പോൾ ഉള്ളിലെ സ്വാർത്ഥതയും മെയിൽ ഷോവനിസവും മാത്രം വർക്കൗട്ടാവുകയും ചെയ്യുന്ന നേരിട്ടറിയാവുന്ന പലരെയും ഓർത്തു. അവരിവിടെ ഇട്ട J4H പോസ്റ്റുകൾ വായിച്ച് ഊറിച്ചിരിച്ചു.
ജയ- ശക്തയാണ്. പക്ഷേ, എത്ര പെൺകുട്ടികളിൽ റിയൽ ലൈഫിൽ ജയ സട കുടഞ്ഞെഴുന്നേൽക്കുമെന്ന് അറിഞ്ഞൂടാ... അടിയുടെ വേദനക്കപ്പുറം അതേൽപ്പിക്കുന്ന മാനസികാഘാതത്തെ ഈ സിനിമ എത്രത്തോളം സ്വാംശീകരിച്ചു എന്നതിലും സംശയമുണ്ട്. രാജേഷ്- നേരിട്ടറിയാവുന്ന പലരുമാണ്. നാർസ്സിസിസ്റ്റിക് അബ്യൂസും ഗ്യാസ്ലൈറ്റിംഗുമൊക്കെ ശീലമാക്കിയ മാനസികപീഡനത്തിൽ ബിരുദാനന്തര ബിരുദമുള്ള രാജേഷിനേക്കാൾ ഭീകരരായവരെ എന്തേ വിഷയമാക്കിയില്ല എന്ന് ആലോചിക്കാതിരുന്നില്ല. തല്ലുന്നതിലും വലിയ പീഡനങ്ങളുണ്ട്,
അതനുഭവിച്ചവരെ നേരിട്ടറിയുന്നത് കൊണ്ട് ചോറ്റിൽ നിന്ന് കൈയെടുത്ത് വരെ കരണത്തടിക്കുന്ന രാജേഷ് ഒരു കൗതുകമായേ തോന്നിയില്ല. കുമ്പളങ്ങി നൈറ്റ്സിൽ അവസാനം ഷമ്മിയെ സൈക്കോ ആക്കിയത് പോലെയാണോ എന്തോ രാജേഷിനെ എല്ലാവരോടും ഒരല്പം പരുക്കനായി പെരുമാറുന്നവനാക്കിയത്... ഇന്നുവരെ കണ്ട ബഹുഭൂരിപക്ഷം അബ്യൂസീവ് രാജേഷുമാരും പുറമേയുള്ള ജീവിതത്തിൽ അത്യന്തം നന്മകുമാരന്മാരും സൽസ്വഭാവികളുമായിരുന്നു...!! രാജേഷിൻ്റെ അമ്മ- "ഓനൊന്ന് തച്ചാൽ ഓൾക്ക് കൊണ്ടാലെന്താ? ഓനല്ലേ" എന്ന് ചോദിക്കുന്ന അമ്മമാരുടെ നേർക്കാഴ്ചയറിയാം. എത്രയോ പേർ വന്ന് സങ്കടം പറയുന്ന മെസഞ്ചറിലും കോളുകളിലും ഈ ജാതി അമ്മമാരെ കുറച്ചൊന്നുമല്ല കണ്ടിട്ടുള്ളത്!
ജയയുടെ അമ്മ- ജയ അബോർഷനായി ആശുപത്രിയിൽ കിടക്കുമ്പോഴും അതിന് ശേഷം മാറിത്താമസിക്കുമ്പോഴും വരെ അവളെ കുറ്റപ്പെടുത്തി തിരിച്ച് കൊണ്ടാക്കാൻ നോക്കുന്ന ആ സ്ത്രീ സമൂഹത്തിൽ എല്ലായിടത്തുമുണ്ട്. മോളുടെ സങ്കടത്തേക്കാൾ 'ചായയെ സ്നേഹിക്കുന്ന' അവരുടെ ഭർത്താവാകട്ടെ, ഒരു വേള മകളുടെ ആത്മഹത്യക്ക് കാരണമായേക്കുമോ എന്ന് പോലും ഭയപ്പെടുത്തി.
പക്ഷേ, ജയ പിടിച്ച് നിന്നു. കോടതിയിൽ വരെ സ്ത്രീവിരുദ്ധത പറയുന്ന സംഘപരിവാർ അനുകൂലിയായ അനിയേട്ടൻ കിടു പെർഫോമൻസ് ആണ് കാഴ്ച വെച്ചത്. വൈകിയാണെങ്കിലും വിവരവും വെള്ളിയാഴ്ചയുമുണ്ടാകുന്ന ജയയുടെ ചേട്ടൻ ജയനെപ്പോലൊരാൾ സപ്പോർട്ട് ചെയ്യാൻ ഉണ്ടായിരുന്നെങ്കിൽ ഏറെ മനുഷ്യർക്ക് ഇവിടെ ആശ്വാസമായേനെ... സംഘി, സുഡാപ്പികൾക്കൊക്കെയിട്ട് കൊടുത്ത കൊട്ടുകളും അസ്സലായിട്ടുണ്ട്. 2022ൽ കണ്ട സിനിമകളിൽ എൻ്റെ പേഴ്സണൽ ഫേവറിറ്റ് ആണ് J4H. ഇനിയുമേറെ പറയാനുണ്ട്... പിന്നീടാകട്ടെ. പ്രിയപ്പെട്ടവർക്കെല്ലാം എൻ്റെയും കുടുംബത്തിൻ്റെയും ഹാർദ്ദമായ നവവത്സരാശംസകൾ.
https://www.facebook.com/Malayalivartha
