ശബരിമല പാതയിൽ കെഎസ്ആർടിസി ബസ് മറിഞ്ഞാണ് വൻ അപകടം. പമ്പയിൽ നിന്ന് തിരുവനന്തപുരത്തേക്ക് പോയ ബസാണ് അപകടത്തിൽപ്പെട്ടതെന്നാണ് വിവരം. ശബരിമല തീർത്ഥാടകരുമായി സഞ്ചരിച്ച കെ.എസ്.ആർ.ടി.സി ബസാണ്‌ മറിഞ്ഞത്.

അതേസമയം ളാഹയിൽ ആണ് അപകടം നടന്നത്. 56 തീർഥാടകരുമായി തിരുവനന്തപുരത്തു നിന്നു വന്ന ബസാണ് അപകടത്തിൽപ്പെട്ടത്. തുടർന്ന് അപകടത്തിൽ പരിക്കേറ്റവരെ പെരുനാട് ആശുപത്രിയിൽ എത്തിച്ച് പ്രാഥമിക ചികിത്സ നൽകി. നിലവിൽ ആരുടേയും പരിക്ക് ഗുരുതരമല്ലെന്നാണ് ലഭിക്കുന്ന വിവരം.

ഇന്നുച്ച കഴിഞ്ഞ് മൂന്നരയോടെ ആയിരുന്നു അപകടം ഉണ്ടായത്. തുടർന്ന് അഗ്നിശമന സേനയും പൊലീസും ചേർന്ന് രക്ഷാപ്രവർത്തനം തുടങ്ങി. എന്നാൽ സമീപകാത്ത് ഈ ഭാഗത്ത് മൂന്നാമത്തെ തീർത്ഥാടക വാഹനമാണ് അപകടത്തിൽപ്പെടുന്നതെന്നാണ് വിവരം.