കരിപ്പൂരിൽ വിമാന സർവീസുകൾക്ക് നിയന്ത്രണം. വിമാന സർവീസുകൾക്ക് ഇന്ന് മുതലാണ് നിയന്ത്രണം ഏർപ്പെടുത്തിയത്. നിലവിൽ റൺവേ റീകാർപറ്റിങ്​ പ്രവൃത്തിയുടെ ഭാഗമായാണ് സർവീസുകൾ പുനഃക്രമീകരിച്ചത്. കൂടാതെ പകൽ പത്ത്​ മുതൽ വൈകീട്ട്​ ആറ്​ വരെ സർവീസുകൾക്ക്​ നിയ​ന്ത്രണം ഏർപ്പെടുത്തിയാണ് പുതിയ ക്രമീകരണം.

അതേസമയം റീകാർപറ്റിങ്ങിനായി ആറ്​ മാസത്തേക്കാണ് ​ റൺവേ പകൽ സമയങ്ങളിൽ അടച്ചിടുക. ​ ഇപ്പോൾ ഓരോ ആഭ്യന്തര, അന്താരാഷ്ട്ര സർവീസുകൾ മാത്രമാണ്​ ഈ സമയത്തുളളത്​. കൂടാതെ ആഴ്ചയിൽ ആറ്​ ദിവസമുളള എയർ ഇന്ത്യ ഡൽഹി സർവീസിന്‍റെ സമയം ​ മാറ്റിയിട്ടുണ്ട്​. നിലവിൽ പുതിയ സമയക്രമമനുസരിച്ചാണ് ഡൽഹിയിലേക്കുള്ള സർവീസ്.

ഇതനുസരിച്ച് ശനി, തിങ്കൾ, ബുധൻ ദിവസങ്ങളിൽ രാവിലെ 9.30നും വെളളി, ഞായർ, ചൊവ്വ ദിവസങ്ങളിൽ രാവിലെ 8.55നുമാണ്​ വിമാനം പുറപ്പെടുന്നത്. കൂടാതെ സലാലയിലേക്കുള്ള സലാം എയറിന്‍റെ സർവീസ് സമയം മാറ്റി​. ജനുവരി 17 മുതൽ 8.55ന്​ വിമാനം കരിപ്പൂരിൽ നിന്ന് പുറപ്പെടുന്നതാണ്. ചൊവ്വ, ശനി ദിവസങ്ങളിലാണ്​ സർവീസ് നടത്തുക. റൺവേ റീ കാർപറ്റിങ്ങിനൊപ്പം റൺവേയിൽ സെന്റർ ലൈൻ ലൈറ്റിംഗ് സംവിധാനവും പുതുതായി സ്ഥാപിക്കും