ശബരിമല യുവതിപ്രവേശന പ്രക്ഷോഭസമയത്ത് ആർത്തവം എന്നാൽ ആഘോഷം ! കുസാറ്റിൽ ആർത്തവാവധി നല്കുന്നുവെന്നായപ്പോൾ ആർത്തവം മീൻസ് ആരോഗ്യപ്രശ്നം ! ആർപ്പോ ആർത്തവ ലഹളാകാലത്ത്. തുറന്നടിച്ച് അഞ്ജു പാർവതി ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ ;

ശബരിമല യുവതിപ്രവേശന പ്രക്ഷോഭസമയത്ത് ആർത്തവം എന്നാൽ ആഘോഷം ! കുസാറ്റിൽ ആർത്തവാവധി നല്കുന്നുവെന്നായപ്പോൾ ആർത്തവം മീൻസ് ആരോഗ്യപ്രശ്നം ! ആർപ്പോ ആർത്തവ ലഹളാകാലത്ത് - ആർത്തവ ദിവസങ്ങളിൽ ശാരീരികമായി കഠിന ജോലികളിൽ ഏർപ്പെടാൻ സ്ത്രീകൾക്ക് പറ്റില്ലെന്നും അതിനാൽ ആ ദിവസങ്ങളിൽ അവർ മാറിയിരിക്കുന്നത് ടോർച്ചറിങ് അല്ലെന്നും പറഞ്ഞ ആളുകൾക്ക് വിളിപ്പേര് കുല പുരുഷൂസ് ! അവർ നൂറ്റാണ്ടുകൾ പിന്നോട്ട് നടക്കുന്നവർ!

പിന്നീട് കുസാറ്റിൽ ആർത്തവാവധി പ്രഖ്യാപിച്ചതറിഞ്ഞ് അത് ഒരു മികച്ച തീരുമാനമാണെന്നും ആ ദിവസങ്ങളിൽ ശാരീരികമായി ബുദ്ധിമുട്ടനുഭവിക്കുന്ന സ്ത്രീകൾക്ക് വിശ്രമം അനിവാര്യമെന്നും പറഞ്ഞ് അതിന് സപ്പോട്ട കൊടുക്കുന്നവർ പുരോഗമനവാദികൾ ! അവർ കാലത്തിന് മുന്നേ സഞ്ചരിക്കുന്നവർ !

ഇങ്ങനെ മലക്കം മറിച്ചിലിൽ പ്രാവീണ്യമുള്ള, അപ്പൊ കണ്ടവനെ അപ്പാ എന്ന് നീട്ടി വിളിക്കുന്ന ഗുൽമോഹർ - ലിബറൽ - പുരോ- പോമോ ടീമുകളിൽ കാണപ്പെടുന്ന രോഗാവസ്ഥയുടെ പേരാണോ മൾട്ടിപ്പിൾ ഡാഡ് സിൻഡ്രോം എന്ന് ചോയ്ക്ക് ഡാഡി?