എ.പി.ജെ. അബ്ദുൽ കലാം ടെക്‌നിക്കൽ സർവകലാശാല താത്കാലിക വൈസ് ചാൻസലറായി  നിയമിച്ചതിനെതിരെ എതിർപ്പുകൾ ശക്തമായിരുന്നു. സിസ തോമസിന്റെ നിയമനവുമായി ബന്ധപ്പെട്ട് വമ്പൻ പ്രതിഷേധങ്ങൾ അരങ്ങേറിയുന്നു. ആ സ്ഥാനത്തേക്ക് താൽക്കാലികമായി ഗവർണർ നിയമിച്ചതിനെതിരെ എസ്എഫ്ഐ അടക്കമുള്ള സംഘടനകൾ പ്രതിഷേധവുമായി രംഗത്ത് വന്നിരുന്നു. നിയമനത്തിനെതിരെ ഹർജി കോടതിയിൽ സമർപ്പിച്ചിരുന്നു .

കഴിഞ്ഞ ദിവസം സിസ തോമസിന്റെ നിയമനം ശരിവച്ച ഹൈക്കോടതി ഉത്തരവിനെതിരായ അപ്പീൽ പരിഗണിക്കുന്നത് ഹൈകോടതി ബുധനാഴ്ച്ചത്തേക്ക് മാറ്റിയിരുന്നു. ഇപ്പോൾ ഇതാ ഈ കേസിൽ സർക്കാർ നിർണായകമായ ഒരു ആവശ്യം ഉന്നയിച്ചിരിക്കുകയാണ് . അതായത് ആ ഹർജി എത്രയും വേഗം തീർപ്പാക്കണമെന്ന് സർക്കാർ ആവശ്യപ്പെട്ടു . സർക്കാർ നിർദ്ദേശിച്ച പേരുകാരെ തഴഞ്ഞ് ചാൻസലർ സ്വമേധയാ വി.സി നിയമനം നടത്തിയതിനെ ചോദ്യം ചെയ്യുന്ന ഹർജി സിംഗിൾബെഞ്ച് തള്ളി. ഇതിനെതിരായ അപ്പീൽ ഹർജിയാണ് ചീഫ് ജസ്റ്റിസ് അടങ്ങുന്ന ഡിവിഷൻബെഞ്ചിന്റെ പരിഗണനയിൽ ഇപ്പോഴുള്ളത് .

അഡി. സോളിസിറ്റർ ജനറൽ ഹാജരാകുമെന്ന് യു.ജി.സി അഭിഭാഷകൻ അറിയിച്ചതിനെ തുടർന്ന് അപ്പീൽ ഹർജി ബുധനാഴ്ച പരിഗണിക്കാൻ മാറ്റുകയായിരുന്നു. എന്തായാലും ആ ഹർജി എത്രയും വേഗം തീർപ്പാക്കണമെന്ന് സർക്കാർ ആവശ്യപ്പെട്ടിരിക്കുന്നു. അത്തരത്തിലൊരു നിലപാടാണ് സർക്കാർ സ്വീകരിച്ചിരിക്കുന്നത് . എന്ത് തീരുമാനമാണ് കോടതി എടുക്കാൻ പോകുന്നത് എന്നത് ഏവരും ആകാംക്ഷയോടെ ഉറ്റു നോക്കുകയാണ്.