പി.വി. അൻവറിനെ ഇന്നും ചോദ്യം ചെയ്യുവാനിരിക്കുകയാണ് എൻഫോഴ്‌സ്‌മെന്റ് ഡയറക്റ്ററേറ്റ് . തീർച്ചയായും അദ്ദേഹം ഇന്നും എൻഫോഴ്‌സ്‌മെന്റ് ഡയറക്റ്ററേറ്റിന്റെ ചോദ്യശരങ്ങളെ നേരിടാൻ തയ്യാറെടുക്കുകയാണ് എന്തൊക്കെ ചോദ്യങ്ങൾ ചോദിക്കും ഈ ചോദ്യം ചെയ്യലിന്റെ അവസാനം എന്തായിരിക്കും എൻഫോഴ്സ്മെന്റ് ഡയറക്ടറേറ്റ് എടുക്കുന്ന ഒരു നടപടി എന്നൊക്കെയാണ് ഏവരും വിട്ടു നോക്കുന്ന കാര്യം.

അതേസമയം കള്ളപ്പണ ഇടപാടിൽ പി.വി അൻവർ എംഎ‍ൽഎയെ എട്ട് മണിക്കൂർ ചോദ്യം ചെയ്ത ഇഡി സംഘം തിരക്കിയത് അടിക്കടിയുള്ള വിദേശയാത്രകളും വിദേശ നിക്ഷേപങ്ങളും സ്വർണക്കടത്ത് കേസിലെ പ്രതിയായ മഞ്ചേരി സ്വദേശി മുഹമ്മദ് അൻവറുമായുള്ള ബിസിനസ് ബന്ധവും അൻവർ സിയറ ലിയോൺ, ശ്രീലങ്ക, മാലിദ്വീപ്, ദുബായ്, സൗദി അറേബ്യ തുടങ്ങിയ വിദേശ രാജ്യങ്ങളിലേക്ക് നിരവധി തവണ യാത്രകൾ നടത്തിയിട്ടുണ്ട്. വിദേശ യാത്രകൾ സംബന്ധിച്ച് നിയമസഭ സെക്രട്ടറിയേറ്റിനെ അറിയിക്കുകയോ പൊളിറ്റിക്കൽ ക്ലിയറൻസ് വാങ്ങിയിരുന്നില്ല.

10 വർഷമായി ആദായ നികുതി അടക്കാത്ത അൻവർ നടത്തിയ വിദേശയാത്രകളുടെചെലവ്, വിദേശ നിക്ഷേപങ്ങൾ, മാസങ്ങൾ വിദേശത്ത് താമസിച്ചതടക്കമുള്ള വിവരങ്ങളാണ് പ്രധാനമായും ഇഡി തേടിയത്. സ്വന്തം പേരിലും ബിനാമികളുടെ പേരിലും വൻതോതിൽ വാങ്ങികൂട്ടിയ ഭൂ സ്വത്തുക്കളുടെ സാമ്പത്തിക ഉറവിടവും ഇഡി തേടി. ചോദ്യം ചെയ്യലിന്റെ ആദ്യഘട്ടങ്ങളിൽ എല്ലാം നിഷേധിച്ച അൻവറിന് മുന്നിൽ തെളിവുകളും രേഖകളും കാണിച്ചാണ് ഇഡി സംഘം ചോദ്യം ചെയ്തത്.

സ്വർണക്കടത്ത് കേസിൽ കസ്റ്റംസ്, എൻ.ഐ.എ കേസുകളിൽ പ്രതിയായ മഞ്ചേരി സ്വദേശി മുഹമ്മദ് അൻവർ പി.വി അൻവറിന്റെ മഞ്ചേരി മാലാംകുളത്തെ മെട്രോ വില്ലേജിലെ വില്ലയിലെ താമസക്കാരനാണ്. പി.വി അൻവറുമായുള്ള ബിസിനസ് ബന്ധവും ഇഡി സംഘം തേടി. ഇവർ തമ്മിലുള്ള സാമ്പത്തിക ഇടപാടുകളും തിരക്കി.