കൂടെയുള്ളവരെ കുറിച്ച് മോശമായി ആരേലും സംസാരിച്ചാല് ഉണ്ണി പ്രതികരിക്കും.... വ്ലോഗറുമായുള്ള തര്ക്കത്തില് വിശദീകരണം നല്കിയ ഉണ്ണി മുകുന്ദനെ പിന്തുണച്ച് അഭിലാഷ് പിള്ള
ഉണ്ണി മുകുന്ദന് നായകനായി എത്തിയ 'മാളികപ്പുറം' വിജയകരമായി തീയേറ്ററുകളില് ഓടികൊണ്ടിരിക്കുകയാണ്. വിഷ്ണു ശശി ശങ്കറിന്റെ സംവിധാനത്തില്, വേറിട്ട രൂപത്തിലും ഭാവത്തിലും ഉണ്ണി മുകുന്ദന് നിറഞ്ഞാടിയപ്പോള് സോഷ്യല് മീഡിയ നിറയെ മാളികപ്പുറം വിശേഷങ്ങളാണ്. ബോക്സ് ഓഫീസിലും മികച്ച പ്രതികരണം നേടുന്ന ചിത്രത്തെ പ്രശംസിച്ച് കൊണ്ട് സിനിമയ്ക്ക് അകത്തും പുറത്തുമുള്ള നിരവധി പേരാണ് രംഗത്തെത്തുന്നത്.
ഇപ്പോഴിതാ, സിനിമയുടെ റിവ്യൂ സംബന്ധിച്ച് വ്ലോഗറുമായുള്ള തര്ക്കത്തില് വിശദീകരണം നല്കിയ ഉണ്ണി മുകുന്ദനെ പിന്തുണച്ച് രംഗത്തെത്തിയിരിക്കുകയാണ് തിരിക്കഥാകൃത്ത് അഭിലാഷ് പിള്ള. സ്വന്തം കുടുംബത്തെയും, സ്വന്തം കുടുംബം പോലെ കരുതുന്ന മാളികപ്പുറം സിനിമയില് അഭിനയിച്ചവരെയും മോശമായി പറഞ്ഞതിനാണ് ഉണ്ണി മുകുന്ദന് ഇന്നലെ പ്രതികരിച്ചതെന്ന് അഭിലാഷ് പറയുന്നു. കൂടെയുള്ളവരെ മോശമായി ആരേലും സംസാരിച്ചാല് ഉണ്ണി പ്രതികരിക്കും അത് മനുഷ്യസഹചമാണ് കാരണം അയാള്ക്ക് ബന്ധങ്ങളുടെ വിലയറിയാം, ഇനിയും ഉണ്ണി അങ്ങനെ തന്നെയാകും.
അഭിലാഷ് പിള്ളയുടെ വാക്കുകള്
സ്വന്തം കുടുംബത്തെയും, സ്വന്തം കുടുബം പോലെ ഉണ്ണി കരുതുന്ന മാളികപ്പുറം സിനിമയില് അഭിനയിച്ചവരെയും മോശമായി പറഞ്ഞതിനാണ് ഉണ്ണി ഇന്നലെ പ്രതികരിച്ചത്, ആ കൊച്ചു കുട്ടിയെ വരെ മോശമായി സംസാരിച്ചാല് ആരായാലും പ്രതികരിച്ചു പോകും, ഇത്രയും കുടുംബങ്ങള് തിയേറ്ററില് എത്തുന്ന അല്ലെങ്കില് വര്ഷങ്ങള്ക്കു ശേഷം ഒരു സിനിമ കാണാന് കുടുംബങ്ങള് ഒന്നായി തീയേറ്ററില് വരാന് മാളികപ്പുറം കാരണമായി, ഇത് ഒരു മോശം സിനിമ ആക്കാന് കുറച്ചു ആളുകള് ശ്രമിക്കുന്നതിന്റെ ഫലമാണ് ഇന്നലെ നടന്ന സംഭവം.
ഉണ്ണി മുകുന്ദന് എന്ന നടന് ഒരു ദിവസം മാളികപ്പുറം സിനിമയുമായി പൊട്ടി മുളച്ചതല്ല, അയാളുടെ വര്ഷങ്ങളായിയുള്ള കഷ്ടപ്പാട് കൊണ്ട് നേടിയെടുത്തതാണ് ഇന്നത്തെ ഈ താര പദവി, കുറച്ചു നാളായി ഉണ്ണിയുമായി അടുത്ത ബന്ധമുള്ള ആളാണ് ഞാന്. ഉണ്ണി എന്താണ് എങ്ങനെയാണ് എന്ന് വ്യക്തമായി അറിയാവുന്ന ഒരാള് ആ ഉറപ്പില് ഞാന് പറയുന്നു. കൂടെയുള്ളവരെ മോശമായി ആരേലും സംസാരിച്ചാല് ഉണ്ണി പ്രതികരിക്കും അത് മനുഷ്യസഹചമാണ് കാരണം അയാള്ക്ക് ബന്ധങ്ങളുടെ വിലയറിയാം, ഇനിയും ഉണ്ണി അങ്ങനെ തന്നെയാകും. കാരണം സിനിമയില് മാത്രമേ ഉണ്ണിക്ക് അഭിനയിക്കാന് അറിയൂ ജീവിതത്തില് അഭിനയിക്കാന് അറിയില്ല.
സിനിമ മേഖലക്ക് തന്നെ ഒരു മാറ്റാം കൊണ്ടുവരാന് മാളികപ്പുറം സിനിമക്ക് കഴിഞ്ഞു എന്നതിന്റെ തെളിവ് ആണ് 28 ദിവസമായിത്തും തിയേറ്ററില് കാണുന്ന ജനത്തിരക്ക് .ഉണ്ണിയോടും ഈ സിനിമയുടെ വിജയത്തിനോടും ഇത്രക്ക് കലി തുള്ളുന്ന നല്ലവരായ ചേട്ടന്മാരോട് ഒന്നേ പറയാനുള്ളൂ ഉണ്ണിയെയും ഈ സിനിമയെയും ജനങ്ങള് സ്വീകരിച്ചു കഴിഞ്ഞു അത് ഇനി നശിപ്പിക്കാന് ശ്രമിച്ചു സമയം കളയണ്ട.
https://www.facebook.com/Malayalivartha
