എറണാകുളത്ത് റോഡ് മുറിച്ചുകടക്കുന്നതിനിടെ വീട്ടമ്മയ്ക്ക് ദാരുണാന്ത്യം. ബസ് കയറിയിറങ്ങിയാണ് സ്ത്രീ മരിച്ചത്. എറണാകുളത്തെ ലിസി ജംഗ്ഷനിൽ വച്ചാണ് അപകടം നടന്നത്. സംഭവത്തിൽ കളമശേരി സ്വദേശി ലക്ഷ്മിയാണ് (43) മരിച്ചത്.

അതേസമയം ഇന്ന് 9 മണിയോടെയായിരുന്നു അപകടം. തുടർന്ന് ബസ് ഡ്രൈവറെ കസ്റ്റഡിയിലെടുക്കുമെന്ന് പൊലീസ് വ്യക്തമാക്കി. കൂടാതെ സംഭവസ്ഥലത്ത് വച്ച് ഇവർ മരിച്ചെന്നാണ് ദൃക്‌സാക്ഷികൾ പറയുന്നത്. റോഡ് മുറിച്ചുകടക്കുകയായിരുന്ന ലക്ഷ്മി നിർത്തിയിട്ടിരുന്ന ബസിന് മുന്നിലെത്തുകയായിരുന്നു.

എന്നാൽ ഈ സമയം ബസ് മുന്നോട്ടെടുക്കുകയും ലക്ഷ്മി ബസിനടിയിൽപെടുകയും ചെയ്തു. നിലവിൽ അപകടത്തിന്റെ സിസിടിവി ദൃശ്യങ്ങളും പുറത്ത് വന്നു. ബസിൽ തട്ടി താഴേക്ക് വീണ ലക്ഷ്മിയുടെ ശരീരത്തിലൂടെ ബസ് കയറിയിറങ്ങുകയായിരുന്നു.