ശിവശങ്കരനെന്ന കോൺഫെററെഡ് ഐ എ എസുക്കാരനു പിന്നിലുള്ള യഥാർത്ഥ കൊമ്പൻ സ്രാവും കൂട്ടരും ഇന്നലെ വരെ ശിവശങ്കറെ ചാരി സേഫ് സോണിലിരുന്ന് കളികൾ കണ്ടു രസിക്കുകയായിരുന്നു. പക്ഷേ അറസ്റ്റോടെ ടീം സ്രാവുകൾ ഡേയ്ഞ്ചർ സോണിലേയ്ക്ക് ആയിട്ടുണ്ട്. കേരളാ മാടമ്പള്ളിയിലെ യഥാർത്ഥ മനോരോഗി ശിവശങ്കരനല്ല; അയാളുടെ മേൽ രോഗം ആരോപിക്കപ്പെടുമ്പോൾ യഥാർത്ഥ മനോരോഗി സന്തോഷിക്കുകയാണ്. എത്രനാൾ ഒളിച്ചിരിക്കാൻ പറ്റും എന്നത് മുകളിലുള്ള സണ്ണി ഡോക്ടറുടെ മിടുക്ക് പോലിരിക്കും . നിർണായകമായ കുറിപ്പ് പങ്കു വച്ച് അഞ്ജു പാർവതി പ്രഭീഷ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

മിക്ക കോൺഫെററെഡ് ഐ എ എസുകാരും രണ്ടാംകിട ഐ എ എസുകാരാണ്. കാരണം അവരുടെ ആ സ്ഥാനമാനങ്ങൾ യോഗ്യതയ്ക്കനുസരിച്ചല്ലാതെ ഭരണപക്ഷത്തിലെ മേലാളന്മാർക്ക് ചെയ്യുന്ന വീട്ടുവേലയ്ക്കനുസരിച്ചാണ്. അധികാര കേന്ദ്രങ്ങളോട് അഡ്ജസ്റ്റ് ചെയ്യുന്നവർക്കായിരിക്കും conferred IAS കിട്ടാൻ കൂടുതൽ സാധ്യത. ബൈ ട്രാൻസ്ഫർ നിയമനമെന്ന് പറഞ്ഞ് സർക്കാർ സർവ്വീസിൽ കാലുനക്കികൾ കയറികൂടുമ്പോൾ മന്ത്രിപുംഗവന്മാരുടെ ഓഫീസുകൾ അഴിമതിയുടെ വിളനിലമാകുന്നു. ഇവിടെ സംഭവിച്ചതും അതാണ്.

കേരളത്തിലെ 95 % ഉയർന്ന പദവികളും പ്രമോട്ടഡ് ആണ്. അതും LDC സ്കേലിൽ മാത്രം പുറത്ത് നിന്ന് റിക്രൂട്ട് ചെയ്യുന്ന ഡിപ്പാർട്‌മെന്റുകളിൽ നിന്നുമാണ്. മറ്റേതു സംസ്ഥാനങ്ങളിൽ നോക്കിയാലും 75 ശതമാനത്തോളം ഉയർന്ന പദവികൾ ഡയറക്ട് റിക്രൂട്ട്മെന്റാണ്. പ്രമോട്ടഡ് ആയി കയറിപ്പറ്റുന്നവരാണ് കേരളത്തിലെ മിക്ക സർക്കാർ സംരംഭങ്ങളുടെയും തലവന്മാരായി മാറുന്നത്. അത് തന്നെയാണ് കേരള ഗവൺമെൻറ് ഇന്ത്യയിലെ തന്നെ ഏറ്റവും മോശം ബ്യൂറോക്രസി കളിലൊന്നാവുന്നതിന്റെ പ്രഥമകാരണവും. അടിമ ദാസർ അംഗീകരിച്ചു തന്നില്ലെങ്കിലും അതാണ് വാസ്തവം.

രാഷ്ട്രീയക്കാരുടെ കൂടെ നിന്ന് ഉദ്യോഗസ്ഥൻ പോകരുതാത്ത വഴിയിൽ പോയാൽ ഒരപകടം വരുമ്പോൾ അവർ കയ്യൊഴിയും. അങ്ങനെ സംഭവിച്ച ചരിത്രങ്ങളേ ഉള്ളൂ. ശിവശങ്കറിനു സംഭവിച്ചതും അതാണ്. ഈ നടത്തിയ കൊനഷ്ട് പിപ്പിടി വിദ്യകളൊന്നും അങ്ങേരുടെ പോക്കറ്റ് നിറയ്ക്കാനല്ലായിരുന്നു. ചിലരുടെ കുടുംബ ഖജനാവ് നിറയ്ക്കാനായിരുന്നു. തന്റെ കൂടെ നിന്ന ഉദ്യോഗസ്ഥരെ കാറ്റും കോളും വരുമ്പോൾ എടുത്ത് കടലിലിടാതെ സ്വന്തം വഞ്ചിയിലേറ്റി കൊണ്ടുപോയിട്ടുള്ള ലീഡർ കരുണാകരനൊക്കെ അന്യം നിന്നുപ്പോയിയെന്ന് ശിവശങ്കരന്മാർ ഇനിയെങ്കിലും മനസ്സിലാക്കണം. ബലി കൊടുക്കപ്പെട്ടവൻ എത്ര പ്രമാണിയായിരുന്നാലും സത്യവും നീതിയും മറനീക്കി പുറത്തുവരുമ്പോഴേക്കും അവന്റെ ആണ്ടു ശ്രാദ്ധം കഴിഞ്ഞിട്ടുണ്ടാവും. ! മൂന്നാർ കൈയ്യേറ്റ സമയത്ത് അച്യുതാനന്ദൻ സഖാവിൻ്റെ ഒപ്പം നിന്ന IAS കാരുടെ ഗതി തന്നെ ഉദാഹരണം.

നിലവിൽ കേപ്ടനെ സേഫ് ആക്കാൻ AKG സെൻ്ററിലെ ക്യാപ്സ്യൂൾ കലം അടുപ്പത്ത് വച്ച് കാണും. ഇന്ന് മുതൽ മിക്ക അന്തംസും അഭിനവ പത്രോസായി മാറി ശിവശങ്കറെ തള്ളിപ്പറയും. ഇന്നലെ വരെ ലൈഫ് മിഷനെയും കേപ്ടനെയും വെള്ളപ്പൂശിയിരുന്ന തുമ്മാരു കുടി സേറിൻ്റെയൊക്കെ സ്റ്റാൻഡ് എന്തായിരിക്കും? മിക്കവാറും ഈ വിഷയം വെള്ളായണി ക്ഷേത്രത്തിലെ കാവിയുമായി ബന്ധപ്പെടുത്തി വഴി മാറ്റി വിടാൻ സാധ്യതയുണ്ട്. ജീർണലിസ്റ്റ് അരുണിൻ്റെ സവർണ്ണ കാവി പോസ്റ്റ് ഉടൻ നാട്ടപ്പെടും! ' വാലൻന്റൈൻ ദിനത്തിൻ്റെ പിറ്റേന്ന് രക്തസാക്ഷിത്വം വരിക്കേണ്ടി വന്ന പാവം അശ്വത്ഥാമാവിൻ്റെ ആന.