സിപിഎമ്മിന്റെ ജനകീയ പ്രതിരോധ ജാഥയ്ക്ക് ഇന്ന് കാസര്കോട്ട് തുടക്കം.....സംസ്ഥാന സെക്രട്ടറി എം.വി.ഗോവിന്ദന് നയിക്കുന്ന ജാഥ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക
കേന്ദ്ര സര്ക്കാരിന്റെ ജനദ്രോഹ നടപടികള്ക്കെതിരെ സിപിഎം സംസ്ഥാന സെക്രട്ടറി എംവി ഗോവിന്ദന് നയിക്കുന്ന ജനകീയ പ്രതിരോധ ജാഥയ്ക്ക് ഇന്ന് കാസര്കോട് തുടക്കം. മുഖ്യമന്ത്രി പിണറായി വിജയന് കാസര്കോട് കുമ്പളയില് വൈകുന്നേരം ജാഥ ഉദ്ഘാടനം നിര്വഹിക്കും.
കാസര്കോട് മുതല് തിരുവനന്തപുരം വരെ ഒരു മാസം നീണ്ടു നില്ക്കുന്ന ജാഥയിലൂടെ കേന്ദ്ര സര്ക്കാരിനെതിരെയുള്ള രാഷ്ട്രീയ പ്രചാരണം ശക്തമാക്കുകയാണ് സിപിഎം ലക്ഷ്യമിട്ടിരിക്കുന്നത്. കേന്ദ്ര സര്ക്കാരിന്റെ ജനദ്രോഹ - ദേശദ്രോഹ നടപടികള്ക്കെതിരെയാണ് ജാഥ. ഇടത് സര്ക്കാറിന്റെ ജനക്ഷേമ നടപടികള് വിശദീകരിക്കും. ലോക്സഭാ തെരഞ്ഞെടുപ്പിന് മുന്നോടിയായി പാര്ട്ടിയെ സജ്ജമാക്കുക ലക്ഷ്യം.
ബജറ്റിലെ നികുതി വര്ധന അടക്കം സര്ക്കാരിനെയും പാര്ട്ടിയെയും ബാധിച്ച വിവാദങ്ങളെ മറിക്കടക്കാനും ജാഥ ലക്ഷ്യമിടുന്നു.
സര്ക്കാരിന്റെ ക്ഷേമ പ്രവര്ത്തനങ്ങളെ കുറിച്ച് ജനങ്ങളില് അവബോധമുണ്ടാക്കുന്നതിനോടൊപ്പം പാര്ട്ടിയെയും സര്ക്കാരിനെയും ബാധിച്ച വിവാദങ്ങളെ മറിക്കടക്കാനും ജാഥ ലക്ഷ്യമിടുന്നു. അതേ സമയം തില്ലങ്കേരി വിഷയം, മുഖ്യമന്ത്രിയുടെ സുരക്ഷ, ബജറ്റിലെ നികുതി വര്ധന തുടങ്ങിയ വിവാദങ്ങള് കത്തി നില്ക്കുന്ന സാഹചര്യം ജാഥയുടെ സുഗമമായ യാത്രയ്ക്ക് വെല്ലുവിളി ഉയര്ത്തുന്നു. അതിനാല് പരമാവധി പാര്ട്ടി പ്രവര്ത്തകരെ ജാഥയില് അണി നിരത്താനുള്ള ശ്രമം നടത്തുകയാണ് സിപിഎം.
പികെ.ബിജുവാണ് ജാഥാ മാനേജര്. സിഎസ് സുജാത, എം സ്വരാജ്, കെ.ടി.ജലീല്, ജെയ്ക് സി.തോമസ് എന്നിവര് സ്ഥിരാംഗങ്ങള്.140 മണ്ഡലങ്ങളിലും പര്യടനം. മാര്ച്ച് 18 ന് തിരുവനന്തപുരത്ത് സമാപിക്കും.
https://www.facebook.com/Malayalivartha
