സ്ത്രീകള്ക്ക് കൂടുതല് തൊഴിലവസരത്തിന് ഊന്നല്... സംസ്ഥാന സര്ക്കാരിന്റെ രണ്ടാം വാര്ഷികത്തോടനുബന്ധിച്ച് തീരദേശ, ആദിവാസി മേഖലകളിലെ സ്ത്രീകള്ക്ക് കൂടുതല് തൊഴിലവസരത്തിന് ഊന്നല് നല്കി സംസ്ഥാന സര്ക്കാര് വനിതാനയം പുതുക്കുന്നു
സ്ത്രീകള്ക്ക് കൂടുതല് തൊഴിലവസരത്തിന് ഊന്നല്... സംസ്ഥാന സര്ക്കാരിന്റെ രണ്ടാം വാര്ഷികത്തോടനുബന്ധിച്ച് തീരദേശ, ആദിവാസി മേഖലകളിലെ സ്ത്രീകള്ക്ക് കൂടുതല് തൊഴിലവസരത്തിന് ഊന്നല് നല്കി സംസ്ഥാന സര്ക്കാര് വനിതാനയം പുതുക്കുന്നു
സ്ത്രീകളുടെ ക്ഷേമത്തിനും കൂടുതല് അവസരങ്ങള്ക്കുമുള്ള തീരുമാനങ്ങളും പദ്ധതികളും പുതുക്കിയ നയത്തിലുണ്ടാകും.തീരദേശ, ആദിവാസി മേഖലകളിലെ സ്ത്രീകളുടെ വിദ്യാഭ്യാസത്തിനും നൈപുണ്യവികസനത്തിനും സ്വയംപര്യാപ്തതയ്ക്കും പ്രാധാന്യം നല്കും.
സ്വയംതൊഴില് സംരംഭങ്ങള്ക്ക് ധനസഹായം നല്കാനുള്ള പദ്ധതികളുണ്ടാകും. സൈബര് കുറ്റകൃത്യങ്ങള് ഉള്പ്പെടെയുള്ള അതിക്രമങ്ങള്ക്കെതിരെ ബോധവല്ക്കരണ, പ്രതിരോധ ഇടപെടലുകളുമുണ്ടാകും.
നയം പുതുക്കാനുള്ള പ്രവര്ത്തനങ്ങള് വനിതാശിശു വികസനവകുപ്പിനുകീഴിലുള്ള 11 അംഗ ജെന്ഡര് കൗണ്സില് ആരംഭിച്ചു. വിദഗ്ധ സമിതിയുടെ നേതൃത്വത്തില് ആരോഗ്യം, വിദ്യാഭ്യാസം, നിയമം, തീരദേശം, ആദിവാസി മേഖലകളിലെ സ്ത്രീകളുടെ വിഷയങ്ങളില് പ്രാദേശികചര്ച്ച തുടങ്ങി.
തീരദേശമേഖല, ന്യൂനപക്ഷം, വിധവകള്, വയോജനം, വിദ്യാഭ്യാസം (അങ്കണവാടി, പ്രാഥമിക വിദ്യാഭ്യാസം, ഹയര് സെക്കന്ഡറി, ടെക്നിക്കല്, പ്രൊഫഷണല്, ഉന്നതവിദ്യാഭ്യാസം), ആദിവാസിമേഖലയിലെ സ്ത്രീകളുടെ വിഷയങ്ങള് എന്നിവയില് കോഴിക്കോട്ടും വയനാട്ടിലും മലപ്പുറത്തും ചര്ച്ച നടന്നു.
നിയമം (സ്ത്രീപക്ഷ നിയമങ്ങള്, സ്ത്രീകള്ക്കുനേരെയുള്ള അതിക്രമങ്ങള്, സ്ത്രീസുരക്ഷ), കായികം, സാംസ്കാരികം, മാധ്യമങ്ങള് എന്നിവയില് തിരുവനന്തപുരത്ത് ചര്ച്ച നടക്കും. ആരോഗ്യരംഗവുമായി ബന്ധപ്പെട്ട ചര്ച്ച ആലപ്പുഴയിലാണ്. ഇതില്നിന്ന് ശേഖരിക്കുന്ന വിവരങ്ങള് ഉള്പ്പെടുത്തി വനിതാനയത്തിന്റെ കരട് തയ്യാറാക്കുക.
"
https://www.facebook.com/Malayalivartha
