മുഖ്യമന്ത്രിക്കെതിരെ വെല്ലുവിളിയും കൂടുതൽ വെളിപ്പെടുത്തലുകളുമൊക്കെയായി സ്വപ്നാ സുരേഷ് മാധ്യമങ്ങൾക്ക് മുന്നിൽ വന്നിരുന്നു. ക്ലിഫ്ഹൗസിലെ ദൃശ്യങ്ങൾ പുറത്തുവിടാൻ പറഞ്ഞതും മുഖ്യമന്ത്രിക്ക് എന്നെ അറിയില്ല എന്ന് പറഞ്ഞത് കള്ളമാണ് എന്നുമൊക്കെ സ്വപ്ന സുരേഷ് തുറന്നടിച്ചു കഴിഞ്ഞു . ഇപ്പോൾ ഇതാ കൂടുതൽ ആരോപണങ്ങൾ മുഖ്യമന്ത്രിക്കെതിരെ സ്വപ്ന നടത്തിയിരിക്കുകയാണ്. അതിന്റെ കൂടുതൽ വിവരങ്ങൾ പുറത്ത് വരികയാണ്.

മുഖ്യമന്ത്രി മാത്രമല്ല സർക്കാരിനെയും അതു പോലെ തന്നെ പാർട്ടി വക്താക്കളെയുമെല്ലാം സ്വപ്നസുരേഷ് അതിരൂക്ഷമായി വിമർശിച്ചിരിക്കുകയാണ്. മുഖ്യമന്ത്രിയുടെ തന്ത്രമാണ് ജനങ്ങൾ കണ്ടുകൊണ്ടിരിക്കുന്നത് എന്നാണ് സ്വപ്നയുടെ ആരോപണം . ആളുകളുടെ ശ്രദ്ധ തിരിക്കുകയാണ് സർക്കാരിന്റെ ലക്ഷ്യമെന്നും അദ്ദേഹം പറഞ്ഞു. എന്തെങ്കിലും പുറത്ത് വന്നാൽ പാർട്ടി വക്താക്കൾ ചാനൽ ചർച്ചകളിൽ മറ്റും വന്ന് കള്ളങ്ങൾ പടച്ചുവിടുമെന്നാണ് സ്വപ്ന .

കേരളത്തിലെ മനുഷ്യർക്ക് വിവരമുണ്ടെങ്കിൽ സത്യമെന്താണെന്ന് മനസിലാക്കാൻ കഴിയും. താൻ പ്രമുഖ ഗുണ്ട ആണെന്നാണ് മുഖ്യമന്ത്രി അവകാശപ്പെടുന്നത് എന്നാണ് സ്വപ്‍ന ആരോപിക്കുന്നത് . അതിന്റേതായ പ്രത്യാഘാതങ്ങൾ തനിക്ക് ഏൽക്കുന്നുണ്ടെന്നും സ്വപ്‌ന സുരേഷ് തുറന്നടിച്ചു.

അതേസമയം രാവിലെ സ്വപ്ന സുരേഷ് മാധ്യമങ്ങളോട് സംസാരിച്ചപ്പോൾ പറഞ്ഞത് ഇങ്ങനെയാണ്; പിണറായിയും ശിവശങ്കറും കോൺസൽ ജനറലും സ്വപ്നയും ക്ലിഫ് ഹൗസിൽ യോഗം ചേർന്നുവെന്ന് സ്വപ്ന പറഞ്ഞതായി മാത്യു കുഴല്‍ നാടൻ ആരോപിച്ചപ്പോൾ മുഖ്യമന്ത്രി ആ ആരോപണം പച്ചക്കള്ളമാണെന്നും താൻ ആരെയും കണ്ടിട്ടില്ലെന്നും തിരിച്ചടിച്ചിരുന്നു.

ഈ വിഷയമാണ് സ്വപ്ന സുരേഷിനെ ചൊടിപ്പിച്ചത്. എന്നെ അറിയില്ലെന്നും കണ്ടിട്ടില്ലെന്നും പച്ചക്കള്ളം വിളിച്ച് പറയാൻ മുഖ്യമന്ത്രിക്ക് നാണമില്ലേ എന്നായിരുന്നു സ്വപ്ന ചോദിച്ചത്. മണിക്കൂറുകളോളം ജോലി സംബന്ധമായും മുഖ്യമന്ത്രിയുടെ കുടുംബത്തിന്‍റെ ബിസിനസ്സുകൾ സംബന്ധിച്ചും ക്ലിഫ് ഹൗസിൽ ചർച്ച നടത്തിയിട്ടുണ്ടെന്ന് സ്വപ്ന സുരേഷ് മാധ്യമങ്ങൾക്ക് മുമ്പിൽ തുറന്നടിച്ചു.